Bubble Gang stars nag-enjoy sa Nalusuan Island
CEBU, Philippines — Giingong nag-enjoy og maayo ang mga bitoon sa Bubble Gang sa pagtikang nila sa Nalusuan Island dinhi sa Sugbo .
Nasayran nga gi-shoot sa maong dapit ang summer special sa maong longest running gag show sa nasud.
Gawas sa Nalusuan Island, ubay-ubay pa ka mga lugar sa Cebu ang gihimong lokasyon alang sa pipila ka mga eksena sa summer special sa maong show.
Pipila sa mga bitoon niini ang nag-iyahay og post sa social media sa ilang behind the scenes photos atol sa ilang taping dinhi sa Sugbo.
Kahinumdoman nga nitikang sa Sugbo sa miaging semana ang mga bitoon sa Bubble Gang alang sa musical show nga Parokya Nato’ ug deretsohay na sila sa taping sa ilang summer special.
Ang maong show gilangkoban nila ni Michael V, Kim Dominggo, Chariz Solomon, Valeen Montenegro, Paolo Contis, Mikael Daez, Antonio Aquitania, Jackie Rice, Denise Barbacena, Lovely Abella, Sef Cadayona, Archie Alemania, Mikoy Morales, Analyn Barro, James Macasero, Roadfill Obeso,Boy 2 Quizon ug Diego Llorico.
- Latest
