Katrina na-pressure kang Gladys

CEBU, Philippines — Magkaaway ang karakter nila ni Gladys Reyes ug Katrina Halili  sa seryeng Toda One I Love sa GMA-7.

Tsika pa ni Katrina nga nahimuot siya og maayo sanglit nag-abot gyud sila ni Gladys nga puros kontrabida.

“Nakakaaliw kasi parang ngayon lang ako naka experience na inaaway ko is maldita din,” saysay pa ni Katrina ngadto sa GMA News.

Aminado si Katrina nga na-pressure siya gumikan kay nasayod siya kung unsa ka maayo nga aktres si Gladys busa mahadlok  gyud siya masayop. 

Hyungsik gikagubtan sa mga Pinoy

Gidumugan sa mga Pinoy ang pagtikang  sa  Korean actor  nga si Park Hyung Sik  dinhi sa Pilipinas sa miaging adlaw.

Nakighimamat siya sa iyang Pinoy fans ug gi-organize kini sa gi-endorso niya nga  local clothing brand.

Nailhan siya sa kadaghanan isip “Hyungsik” ug nisikat siya sa Pilipinas gumikan sa  K-dramas nga “Hwarang” ug “Strong Woman Do Bong-Soon”.

Miyembro  usab si  Hyungsik sa sikat kaayo nga  South Korean boy group nga  ZE:A . Katapusan siya nga nitikang sa nasud duha ka tuig na ang nilabay.