Nataypan sa masa
CEBU, Philippines — Malipayon si Ken Chan gumikan kay ni-click gyud sa masa ang tandem nila ni Rita Daniela sa seryeng My Special Tatay sa GMA-7. Mabati matud pa ni Ken ang init nga paghangop sa mga tawo sa higayon nga duna sila’y mga mall show.
Tsismis ra diay
Gihimakak ni Kathryn Bernardo ang report nga matud pa ni-propose na kaniya si Daniel Padilla atol sa pagbakasyon nila sa Japan dili pa lang dugay. Matud pa ni Kathryn nga maabot ra kini sa saktong panahon ug hagbay ra nila nga gikonsiderar ang maong butang.
Sirena target ni Bela
Gusto si Bela Padilla nga makasuway sa role nga sirena. Kun himoan og remake ang pantaseryeng Marina nga gidala kaniadto ni Claudine Barretto, usa gyud si Bela sa mo-audtion niini.
Madayon gyud
Gibutyag ni Jolina Magdangal nga posibleng mahitabo karong tuiga ang reunion movie nila ni Marvin Agustin. Kahinumdoman nga sa miaging tuig pa giplano ang maong proyekto. Nasayran nga taod-taod na gyud nga nihangyo ang ilang fans nga magpares sila og balik sa usa ka pelikula.
Lahi ra gyud
Nakita matud pa ni Edu Manzano kun unsa ka malipayon ang iyang anak nga si Luis Manzano sa istado sa lovelife niini. Kanunay nga blooming si Luis gumikan sa aktres nga si Jessy Mendiola. Nauyonan si Jessy sa tibouk pamilya ni Luis.
Gikagobtan sa Youtube
Todo pasalamat si Karla Estrada sa tanang nisuporta sa iyang Youtube Channel nga “Momshie Karla: Reyna ng Tahanan” nga duna na’y kapin sa 100,000 subscribers. Mao kini ang hinungdan nga nakadawat siya og ng Silver Play Button gikan sa sa YouTube. !
Nag-sorry kang Kim
Nangayo og pasaylo si Boy Abunda ngadto kang Kim Chiu gumikan sa lisod niya nga pangutana sa dihang nahimong guest ang aktres sa iyang talk show sa miaging tuig. Kahinumdoman na nakaangkon og ahat si Kim sa relasyon nila ni Xian Lim atol sa show ni Boy.
Milihay sa plastic
Tsika pa ni Janine Guttierrez nga partikular gyud siya sa mga butang nga iyang gamiton. Naglikay na siya sa pagamit og plastic aron makahatag siya og dakong kontribusyon sa pag-atiman sa kalikopan.
Magpabilin sa Dos
Ni-renew sa ilang kontrata sa ABS-CBN dili pa lang dugay sila si Bea Alonzo, Bela Padilla, Enchong Dee , JM de Guzman, Yassi Pressman, ug Jolina Magdangal. Ang maong mga artista nagpabilin sa ABS-CBN gumikan sa maayong dagan sa ilang career.
Enchong motikang sa EB
Naghinam-hinam na si Echong Dee sa paglugwa niya isip guest sa noontime show sa GMA-7 nga Eat Bulaga. Tipik kini sa promosyon sa pelikula ni Enchong nga Elise kun diin kapares niya si Janine Guttierez.
- Latest