Kasong giatubang ni Richard gibasura
CEBU, Philippines — Gibasura sa Department of Justice (DOJ) ang reklamong tax evasion batok sa aktor nga si Richard Gutierrez ug sa iyang RGutz Production Corp. Sa 11 ka pahina nga resolusyon nga gipagawas niadtong Miyerkules ni DOJ Assistant State Prosecutor Christine Perolino, nakasuwat nga dili igo ang basehan sa Bureau of Internal Revenue (BIR) aron pasakaan og kasong tax evasion si Gutierrez ug ang kompanya niini.
Kahinumdoman nga niadtong Agosto 2017, gireklamo ang aktor gumikan kay napakyas matud pa kini sa pagsumitir sa P38.5 milyon nga income tax ug value added tax alang sa tuig 2012.
Sa usa pa ka resolusyon, gibasura gihapon sa DOJ ang buwag nga kasong perjury ug falsification of documents batok kang Richard Gutierrez kalabot sa dokumento nga gisumiter niini isip ebidensya.
- Latest
