James Ingram mipanaw na
CEBU, Philippines — Mipanaw na ang sikat nga singer nga si James Ingram kinsa maoy nagkanta sa sikat nga mga awit sama sa “Just Once” ug “I Don’t Have The Heart”.
Ang iyang longtime friend ug creative partner, Debbie Allen, mikompirmar sa kamatayon ni Ingram apan wala kini nidetalye sa rason sa kamatayon sa singer.
“I have lost my dearest friend and creative partner James Ingram to the Celestial Choir.He will always be cherished, loved and remembered for his genius, his love of family and his humanity. I am blessed to have been so close. We will forever speak his name,” tweet pa ni Allen.
Dunay anigawas nga pasiunang report nga brain cancer matud pa ang gikamatyan sa 66 anyos nga singer.
Nagdako si James sa US state sa Ohio, ug nilusad sa iyang music career kauban ang banda nga Revelation Funk .
Nakalangkat na siya kaniadto og daghang nominasyon sa Grammy ug nakadaog sa award nga Best Male R&B Vocal Performance niadtong 1981.
Empoy-Alessandra tandem banhawon
Human nagmalampuson ang pelikula nga Kita Kita, duha ka tuig na ang nilabay, nakahukom ang Spring Films nga palutawon og balik sa movie screen ang chemistry nila ni Empoy Marquez ug Alessandra de Rossi.
Subling mag-uban ang duha sa pelikulang “Walang KaParis” ug gikatahong sa Paris o sa City of Love ang lokasyon sa shooting niini.
Padayon pa nga giluto sa Spring Films ang mahimong dagan sa istorya sa maong proyekto. (Sanden J. Anadia)
Kai nibakasyon sa Cebu?
Puwerting sabaa sa netizens sa miaging adlaw ug gisumsoman ang tsika nga matud pa naa sa Cebu ang sikat kaayo nga miyembro sa Korean group nga EXO nga si Kim Jongin o nailhan sa kadaghanan isip Kai.
Wala matud pa gidetalye sa kampo ni Kai ang tumong sa pagtikang niini dinhi sa Cebu. Trending ang giingong hulagway ni Kai sulod sa Mactan Cebu International Airport.
Pipila sa iyang fans ang nikomedya nga posibleng nagpa-relax si Kai sa Cebu aron mahuwasan kini human sa breakup nila sa Korean star nga si Jennie Kim nga sakop usab sa grupong Blackpink.
Fantastica naka-P500M !
Nagmaya ang Star Cinema human nakalangkat og kapin sa P500 miliion ang kita sa pelikula ni Vice Ganda nga Fantastica sa worldwide screening niini.
Matud pa nga duna’y mga sinehan sa ubang nasud ang padayon nga nagpasalida sa maong pelikula.
Nasayran nga nag-thanks giving party sa miaging adlaw ang mga bitoon ug production staff sa maong pelikula.
Kauban ni Vice sa Fantastica sila si Dingdong Dantes, Richard Guttierez, Loisa Andalio, Ronie Alonte, Edward Barber ug Maymay Entrata.
- Latest