Giawit sa korean star

CEBU, Philippines — Gipadayag ni Iñigo Pascual pinaagi sa iyang Instagram account ang iyang kalipay nga gibati sa dihang giawit sa Korean pop star nga si Seungri gikan sa Big Bang ang awit nga “Dahil Sa’yo”. Giperform kini sa Korean icon  atol sa gipahigayon nga konsyerto niini sa Manila diin present sab ang kanhi 2NE1 member nga si Sandara Park. “Hindi ko po alam kung paano ko ide-describe ang nararamdaman ko, kasi mine-memorize ko yung mga kanta niyo! Isang malaking pangarap ang marinig at makita ang isa sa mga iniidolo mo na kinakanta ang kanta mo. Napakalupet ng cover na to, sobrang galing ng pagbigkas ng bawat salita”, suma pa ni Iñigo.

Cover girl sa UAE magazine

Mi-posing nasab si Maymay Entrata sa UAE-based magazine nga XPedition Middle East. Human nga milugwa si Maymay sa runway sa Dubai Fashion Week niadtong miaging tuig, ingon nga natagad gyud ang kaanyag sa Kapamilya star ug karon siya ang cover model sa maong sikat nga magazine sa Middle East.

Proposal sa  PBB house

Hugyaw gyud ang nahimong usa ka episode sa Pinoy Big Brother Otso gumikan kay ang pares sa transgender woman nga si Mitch Talao misulod sa PBB house aron nga mag-propose. Tulo ka tuig na nga magkarelasyon si Mitch ngadto kang Dudz. Daghan ang gikilig human nga gipagawas ang maong episode tungod sa pagpadayag sa gugma sa usa sa mga sakop sa LGBTQ.

Hapit na mahuman

Gamay na lang gyud og utong apan hapit na gyud mahuman ang dream house sa komendyante nga si K Brosas. Tsika pa ni K nga ang pagpakita niya online sa iyang balay puhon dili kini magsilbi nga pagpanghambog apan buot niya nga mahatagan og inspirasyon ang uban ilabi na sa iyang mga kaedad nga gastuhon ang kuwarta sa maayo nga pamaagi kun diin makabenepisyo siya niini. Gitug-an ni K nga waldas siya sa iyang kwarta kaniadto ug nakat-on na siya karon.

Gihagit ang bashers

Gihagit ni Sylvia Sanchez ang bashers sa iyang anak nga si Arjo Atayde nga makigkita kaniya. Gani, mitakda na siya og oras ug kun asa sila magkita aron nga magmalinawon na ang tanan. Mitumaw ang maong mga basher human nga wala makauyon sa relasyon sa iyang anak ngadto kang Maine Mendoza.

Pokus sa pamilya

Time-out una si Dawn Zulueta sa sa showbiz. Wala sab siya midawat og mga proyekto ug lain pa nga trabaho gumikan kay buot niya nga igahin ang iyang oras sa iyang mga anak. Dugang pa ni Dawn nga malipayon siya sa iyang katungdanan isip asawa sa iyang bana karon mao nga dili una siya mobalik sa showbiz.

Leading man ni Kyline

Si Manolo Pedrosa gyud ang nakapasar isip leading man ni Kyline Alcantara sa serye nga “Inagaw na Bituin”. Misingkit og samot ang mga mata ni Manolo human nga gipangutana kun kumusta ang unang adlaw sa ilang taping sa aktres. “Masaya ako kasi ang parang partner ko dito ay si Kyline, and very comfortable with her, kasi nag-work na kami before sa Daig Ka Ng Lola Ko. Yun, I felt I connected with her kaagad, we clicked and I hope ma-further yung relationship naming”, suma pa ni Manolo.

Nakamove-on na

Gitataw ni Paul Salas nga nakamove-on na siya sa isyu tali sa iyang kanhi girlfriend nga si Barbie Imperial. Matud pa nga wala na siya maghunahuna sa mga nahitabo kaniadto ug gihatagan na niya og pokus ang iyang karera sa Kapuso network. Usa si Paul sa mga molugwa sa umaabot nga serye nga “Kara Mia”. Tsika pa ni Paul nga mas determinado siya nga motrabaho karon tungod sa proyekto nga gitanyag sa maong network ngadto kaniya.

Mi-audition sa Starstruck

Spotted sa audition sa Starstruck ang kanhi PBB housemate nga si Rita Gaviola kinsa mas naila isip si Badjao Girl. Gani. milugwa sab ang karelasyon sa PBB Otso teen housemate Karina Bautista nga si Christian Dronio. Ang duha nanimpad sa maong artista search ug nanghinaot nga mapilian puhon.