Barbie ug paulo magpares

CEBU, Philippines – Gihikay na karon ang bag-ong proyekto alang kang Barbie Imperial ug  Paulo Angeles. Wala pa mopagawas og detalye si Barbie kabahin sa maong proyekto apan naghinam-hinam na siya nga makauban pagbalik si Paulo. Ang duha unang nagkatrabaho sa usa ka episode sa “Maalaala Mo Kaya” kun diin nag-trending ang maong episode tungod sa kamaayo nila nga modala sa sugilanon sa Hennesy ug Alanis kinsa mipanaw tungod sa sakit nga chronic kidney disease.

Tinubdan sa paghunong

Gibutyag ni Suklay Diva Katrina Velardo nga nagka-bell’s palsy siya human sa iyang pagsalmot sa X-Factor Philippines 2012 mao nga gihunong una niya ang iyang singing career. Gitataw ni Katrina nga dili ang iyang pagsabak ang tinubdan kung nganong niundang siya sa iyang karera kun dili tungod sa iyang kondisyon nga hangtud karon wala pa hingpit nga maayo. Tres  anyos na ang anak ni Katrina ug matud pa niya  nga naangkon niya ang iyang bell’s palsy sukad pa niadtong pito ka buwan pa siya nga nagsabak sa iyang anak.

Shode tubay

Mipasabot si Ogie Alcasid kun nganong dili gyud siya motagad ug motubay sa mga negatibong komento gikan sa mga bashers. “What I don’t like though is when sometimes they put themselves in a position where they’re already arguing with a netizen. I don’t think artists should go that way because hindi ka mananalo dun eh”, suma pa ni Ogie

Andam sa katungdanan

Malipayon nga gipahibalo sa komedyante nga si Ketchup Eusebio nga andam na siya sa bag-ong katungdanan sa iyang kinabuhi nga mahimong usa ka amahan. Nagsabak ang iyang long-time girlfriend   nga si Ann Laggui. Giklaro ni Ketchup nga unahon sa nila ang pagpanganak sa iyang pares sa dili pa ang kasal.

Molihay sa posisyon

Mobalibad gyud si Robin Padilla kun  adunay motanyag niya og posisyon sa gobiyerno. Giklaro niya nga dili gyud siya mahimong usa ka politiko. “Isa lang ang pulitiko sa pamilya. Si Rommel na yun. Si Rommel ay tatakbong congressman. Eh against tayo sa dynasty. Mahirap naman yung ako mismo hindi ka susunod. Practice what you preach. Tama na yung isa. Si kuya Rommel talaga ang public servant eh. Hindi ako puwede diyan”, esplikar pa ni Binoy.

Kauban si Ylona

Karon nga nabalik na sa nasud si Marco Gallo, busy sab gyud kini sa pagpa-fit sa iyang body figure. Gani nakakita sab siya og nahimo niyang gym buddy ug mao kini ang teen star nga si Ylona Garcia. Pareho nga produkto sa Pinoy Big Brother ang duha apan sa managlahi nga edisyon.

Hapit na magkaanak

Nagkaduol na gyud ang posibilidad nga makabaton na og anak sila si Ice Seguerra ug Liza Diño gumikan kay nagpaubos na sa operasyon si Ice nga kuhaon ang iyang viable eggs. Matud pa ni Liza nga nagtumar sab og estrogen pills si Ice aron dali ang proseso sa pagbaton og anak.

Proud sa anak

Mapasigarbuhon gyud  si  Piolo Pascual sa gipakitang dedikasyon sa  iyang anak nga si Iñigo sa musika. Malipayon nga gipahibalo ni Papa P nga motikang sa Estados Unidos si Iñigo sunod semana aron magtuon ug magbansay-bansay pa sa katakus niini sa pagsuwat og mga kanta.

Nagdawat gihapon

Gitug-an sa 33 anyos nga aktres nga si Angel Locsin nga gibayran gihapon siya sa management sa ABS-CBN bisan og wala siya’y gibuhat nga teleserye sulod sa lima ka tuig nga pagpahuway. “Honestly, sumosuweldo naman po ako kahit wala akong ginagawa”, tug-an pa sa aktres.

Excited sa show

Excited na gyud si Sylvia Sanchez sa iyang bag-ong travel-cooking show nga eksclusibo nga makita sa YouTube.  Lutoon niya ang mga putahe nga iyang nahibaw-an ug dili sab niya lisud-lisuron ang iyang mga viewers aron masunod kini.