Arts Ambassadors gipaila sa NCAA
CEBU, Philippines – Gipaila na isip ka-partner sa National Commission for Culture and The Arts (NCAA) ang pipila ka Kapamilya stars nga sila si KZ Tandingan, Ian Veneracion, ug Pia Wurtzbach.
Nalakip ang maong mga artista sa paglusad sa NCAA sa National Arts Month nga mahitabo sunod buwan.
Mainitong gisugat ang Kapamilya stars sa mga empleyado sa NCAA kauban si Associate Secretary Marie Rafael ug Rico Pableo Jr.
Kinasing-kasing nga gidawat sa maong Kapamilya stars ang ilang mga responsibilidad nga gisalig sa NCCA kanila gumikan dako kaayo nga butang nga makatabang sa pag-ugmad sa arts sa nasud.
“Anak po ako ng isang pintor at lagi niyang sinasabi na ‘you cannot avoid art’ and he’s right. I grew up surrounded by art and nakakatuwa na habang tumatagal, mas lalong lumalawak ang kahulugan ng arts para sa Pilipinas,” matud pa ni Ian.
Samtang si KZ sa iyang bahin, nagpanikad na siya sa pagpalapad sa arts ngadto sa bag-ong henerasyon.
“Isa talaga sa ipinaglalaban ko ang i-represent ang Filipino talents hindi lang dito kundi sa ibang parte ng mundo,” suma pa ni KZ.
Mapasalamaton si KZ sa pagsalig nga iyang nadawat alang sa maong programa.
“Sobrang thankful lang po ako talaga na ngayon may mas maganda akong platform para ipagsigawan ko pa sa buong mundo ang adbokasiya ko na iyon, at sana marami pang bata na ma-inspire na ang culture and arts ay in pa din,” saysay pa ni KZ.
Si Pia Wurtzbach, wala pa gyud mahupas ang iyang pagkamahiligon sa mga butang nga makatabang sa iyang isigkatawo.
“Tuwing nahaharap po kami sa mga banyaga, parang mga ambassador na din po kami at representative po kami ng Philippines kahit saan pa po kami magpunta sa mundo,” matud pa ni Pia.
Mga nakat-onan
Gibutyag nila ni Julia Barretto ug Joshua Garcia nga daghan gyud sila og nakat-onan sa teleserye nila nga Ngayon At Kailanman nga natapos sa miaging semana. Usa sa ilang nasuta nga mag-agi gyud og sakripisyo kun musulod og usa ka relasyon. Wala pa’y ideya kun unsa ang ilang follow-up project sa ABS-CBN.
Daghan ang nipugong
Tsika pa ni Xian Lim nga ubay-ubay gyud ang nisuway og pugong sa naghulma nga relasyon nila ni Kim Chiu. Wala gyud nilampos ang maong tinguha sanglit nipatigbabaw gyud ang ilang panaghigugmaay.
Nanghatag og motor
Bag-ong motor ang birthday gift ni Angeline Quinto sa iyang driver. Suma pa sa singer nga lahi ra gyud ang iyang gibati sa dihang nakita niya ang pahiyom sa iyang driver nga nakaangkon og bag-ong pahiyom .Pag-una, nagtoo ang iyang driver nagkomedya lang siya apan nakugang na lang kini sa dihang gitunol niya ang yawe.
Tambag ni Chai
Gibutyag sa Sugbuanon nga aktres nga si Chai Fonacier nga dako kaayo og tabang ang pakighinabi sa mga higala ug pagpa-ubos og therapy kun makabaton og mental health issue sa kaugalingon. Dili matud pa angay itago ang maong sitwasyon sanglit kinahanglan kini og pag-abag sa ubang tawo.
Oras sa pamilya
Samtang bakante pa ang oras ni Shaina Magdayao , gipahimuslan niya kini sa pakig-uban sa iyang pamilya. Suma pa sa aktres nga panagsa ra gyud siya makasuway sa maong sitwasyon sukad siya nisulod sa showbiz busa iyaha nalang gyud kini itodo og maayo.
Banhawon ang tandem
Subling magpares sila si Bianca Umali ug Miguel Tanfelix sa umaabot nga serye sa GMA-7. Malakip ang duha sa pantaseryeng Sahaya kun diin modala isip sirena si Bianca. Matud pa ni Bianca nga dugay na gyud niya nga gipangandoy nga masuwayan ang role nga sirena.
Deboto sa balaang bata
Sa pagtikang ni Maja Salvador dinhi sa Sugbo sa miaging adlaw, wala gyud niya kalimti ang paghapit sa Basilica Minore del Santo Niño de Cebu. Wala gyud nagdala og guard si Maja ug nilinya gyud kini aron makahalok sa imahe sa balaang bata.
Usa lang
Malipayon kaayo si Angel Locsin sa relasyon nila ni Neil Arce gumikan kay nipatigbabaw gyud ang pagsinabtanay. Kun pananglitan maabot na ang panahon nga magminyo sila, gusto ni Angel nga makabaton sila og usa lang ka anak.
Nasakitan gihapon
Giangkon ni Vice Ganda nga wala pa siya naka-move on sa iyang ex-boyfriend nga gihigugma niya og maayo. Giputol na nila ang komunikasyon sa maong lalaki aron hingpit na nga mahupas ang koneksyon nila sa usag-usa.
Gibalhin sa laing serye
Wala na ang karakter ni Ryza Cenon sa Ang Probinsyano aron ma-focus sa serye ni Angel Locsin nga The General’s Daughter. Mapasalamaton si Ryza sa ABS-CBN gumikan kay nagsagunson gyud ang iyang mga proyekto.
Buhaton sa NY
Sa New York himoon ang pipila ka mga eksena sa pelikula nila ni Liza Soberano ug Enrique Gil nga ‘Alone/Together’ scenes. Nanglarga na miaging adlaw sila si Liza ug Enrique ug nagpanikad na sila sa mahimong resulta niini.
- Latest