First kiss nahitabo na gyud
CEBU, Philippines — Nanumpa na sa ilang panaghigugmaay sila si Moira Dela Torre ug Jason Marvin Hernandez niadtong Lunes.
Ang ilang kasal nahitabo pinaagi sa outdoor ceremony didto sa Tagaytay City.
Sa pagpaso ni Moira, gikanta ang sikat niya nga awit nga Tagpuan nga version sa magkaluhang “Ben and Ben” nga maoy nikanta niadtong higayona.
Atol sa pagsinukliay sa ilang mensahe isip bag-ong magtiayon, gikanta nila ni Moira og Jason ang “Ikaw At Ako.” Mao usab kini ang magsilbing pag-release sa maong kanta.
Atol usab sa maong seremonya, wala usab sipyata sa bag-ong magtiayon ang pagkanta og religious song isip pasalamat nila sa Kahitas-an. Atubangan sa ilang mga bisita, nahitabo gyud ang ilang first kiss.
Una na nga gisaad ni Jason nga mahitabo ra gyud ang first kiss nila ni Moira sa adlaw sa ilang kasal.
Pipila sa ilang celebrity guests, naglangkob nila ni Paolo Valenciano, Joann Santiago, Sam Milby, John Prats, Isabel Oli, Richard Poon, Maricar Reyes, Erik Santos, Ogie Alcasid, Leila Alcasid ug Regine Velasquez.
- Latest