Nasangit sa new look

CEBU, Philippines —  Giangkon ni Alessandra de Rossi nga ubay-ubay gyud ka mga proyekto ang wala madayon og hatag kaniya gumikan sa iyang mubo  nga buhok.

Kahinumdoman nga nagsugod ang iyang new look sa dihang gigama niya ang pelikulang  Through Night and Day kun diin nakapares niya si Paolo Contis.

Nanghinaot siya nga makabalik siya sa telebisyon apan dili gyud siya magsilbi kung pasul-obon siya og wig sulod sa taas nga oras.

Maayo nalang gani nga duna siya’y umaabot nga mga pelikula sa Viva Films ug siya mismo ang script writer.

“I think kailangan ko mag-TV, although hindi ko siya magagawa ngayon kasi mga roles nag re-require ng wig, e hindi ko kaya na 24 hours naka suot sa ulo ko,” suma pa niya.

Makapares niya si James Reid sa usa sa iyang mga pelikula.

Kris mipahimagno sa TV stations

Nagpadala og suwat ang kampo ni Kris Aquino ngadto sa nagkadaiyang TV stations aron pahimagnoan nga magbinantayon gyud sa ipang-ere nila sa mga balita ilabi na kung  habig ra ni Nicko Falcis ang madungog.

Kahinumdoman nga gikiha ni Kris si Nicko tungod sa pasangil  nga gigamit niini ang credit card sa ilang kampanya alang sa personal nga mga gastuhunon niini.

Si Nicko maoy gipadumala ni Kris kanaidto  “Kris Aquino Cojuangco Productions” o KCAP.

Matud pa sa kampo ni Kris nga kihanglan nga kuhaan gyud og habig ang kanhi TV host sa higayon nga mopagawas kini og balita kalabot kang  Nicko.

Kalidad sa leading ladies nga ilang gipangita

Gibutyag nila ni Piolo Pascual, Derek Ramsay, ug  Dingdong Dantes ang kalidad sa  gusto nila nga  leading ladies   sa ilang mga proyekto.

Hinoun alang ka Piolo, dili mao siya’y agdon apan  malipayon siya gumikan kay puros gyud nakatagamtam og professional leading ladies.

“It’s not up to us. Kasi siguro mas mahirap pumili yung babae ng lalake. So for i-pi-pitch sa iyo yung concept and then for me it’s always an opportunity to work with somebody that I haven’t worked with before so I always want [the] chance, I always want the opportunity to work with somebody new. So far I’ve been blessed with really professional leading ladies so walang problema,” saysay pa sa aktor sa atol presscon sa giiendorso niya nga brand sa donut.

Samtang sa bahin ni Derek,  ganahan siya og  ug dili labad nga kapares sa usa ka proyekto.

 “Basta mabait, walang attitude, yun lang naman eh. Hindi ako namimili ng partner. Basta as long as I know that she’s professional, I’m very excited to work with them. I know I could learn a lot of things from that person,” matud pa ni Direk.

 Alang usab kang Dingdong, importante  kaayo ang “working chemistry”  isip lamas  ilabi na kung makabaton siya og bag-ong leading leady.

 “Basta whoever is collaborative, is very, very welcome. Gaya ng sabi ni Piolo and Derek,  masuwerte din ako sa mga naging leading ladies ko kasi siyempre very, very collaborative sila and makikita kasi yun sa chemistry niyo onscreen na hindi lang siya one-way. It’s always a two-way thing and done professionally,” saysay pa Kapuso star.

OMG Nadine!

Trending ang sexy photo  ni   Nadine Lustre nga tipik  sa promosyon sa iyang perfume.

Ang maong hulagway gi-share sa  photographer  nga si Andrei Suleik sa  Instagram kun diin naka-fishnet mini dress ang aktres.

Sa maong hulagway, todo  emote  si  Nadine  samtang gialirongan  siya og mga buwak.

Ang pag-release sa iyang  perfume nahitabo  human nilugwa  ang  teaser sa  iyang pelikula  nga  "Ulan”.