Jennylyn isip tomboy
CEBU, Philippines – Sa labing unang higayon, dalhon ni Jennylyn Mercado ang karakter sa usa ka tomboy sa umaabot nga episode sa “Magpakailanman”.
Giangkon sa aktres nga nabag-ohan gyud siya atol sa taping niini gumikan kay kinahanglan gyud siya magsul-ob og wig ug luag nga mga sapot.
Modala si Jennylyn sa role nga “Bogs”, usa ka tomboy nga napamabdosan.
“Iba talaga ‘pag nakaganito ka na very uncomfortable kasi ‘di ba naka-wig ka, naka-cap, tapos ang luwag-luwag ng damit mo. Pero siyempre, character siya so kailangan mo i-portray nang maayos,” saysay pa ni Jen ngadto sa GMA News.
Malipayon si Jen sa pagsugod sa 2019 gumikan kay wala gyud nabakante ang iyang career. Gawas sa umaabot niya nga mga serye sa GMA-7, duna pud siya duha ka mga pelikula nga buhatunon karong tuiga.
Heart pasok sa international movie?
Sa pagsugod sa bag-ong tuig, ang pagtikang sa China maoy gikalingawan sa aktres nga si Heart Evangelista.
“In transit. Thank you Lord for giving us a safe flight! Cheers to day 1! Here’s to hoping that we packed enough outfits for my stay here!,” suma pa sa iyang IG post.
Wala giklaro ni Heart ang iyang rason sa pagtikang niya sa China busa nabanhaw ang pagduda sa pipila ka netizens nga matud pa mahimong kabahin ang aktres sa sequel sa blockbuster hit nga Crazy Rich Asians nga nag-ulohan og China Rich Girlfriend.
“Is this for China Rich Girlfriend??? ,” komento pa sa usa ka netizen.
Dunay netizen ang nagduda nga posibleng modala si Heart sa karakter ni Collette Bing .
Wala pa mohatag og statement si Heart kalabot sa maong mga pagduda.
- Latest