Todo bakasyon

CEBU, Philippines — Gipahimuslan gyud ni Bea Alonzo ang iyang bakasyon. Human nga mitikang sa Japan kauban ang iyang boyfriend nga si Gerald Anderson, nag-enjoy na sab karon ang aktres sa iyang kinabuhi sa probinsya. Usa sa mga gikalingawan pag-ayo sa aktres mao ang pagpanguha og mangga.

Nahagit sa problema

Nahagit gyud ang katakus ni Direk JP Habac samtang gibuhat pa nila ang pelikula nga ‘Sakaling Maging Tayo’nga gibidahan nila ni McCoy de Leon ug Elisse Joson tungod sa gap nga namugna sa duha tungod sa ilang misunderstanding nga hangtud karon wala pa hingpit nga maresolba. “Sabi ko, kung may pinagdadaanang personal, dapat hindi na maapektuhan ang trabaho. Kasi hindi lang naman sila ang naaapektuhan pati ang mga taong nagtatrabaho behind the camera. So patuloy lang na reminder na kelangan kung may personal problems, ‘wag natin dadalhin sa trabaho,” asoy pa ni Direk JP.

JM mag-solo concert

Ipahigayon karong Pebrero 1 ang labing una nga konsyerto sa Kapamilya aktor nga si JM de Guzman. Mahitabo kini sa Music Museum ug nagtangag kini sa titulo nga “Love Goes On”. Gawas sa konsyerto, mopagawas na sab si JM sa labing una nga album niya karong tuiga.

Paborito ang Mary Poppins

Gikalipay pag-ayo sa Kapamilya star nga si Donny Pangilinan nga mahatagan og oportunidad nga makatikang sa Estados Unidos aron nga maka-interview sa cast ug direktor sa 1964 Disney classic film nga Mary Poppins.  Matud pa ni Donny nga mao kini ang usa sa mga paborito niya nga salida sukad niadtong bata pa lang siya. “The songs - super catchy. Even today, I’m still singing it. So the musical aspect and all the imagination that’s real. Becoming a child again, I like that feeling”, padayag pa ni Donny.

Gipasalamatan si Piolo

Dakong pasalamat ni Ryan Arebuabo ngadto kang Piolo Pascual gumikan kay mitabang gyud kini kaniya sa  pagpa-eskwela sa  iyang duha ka anak. Si Ryan mao ang amahan nga nag-viral sa social media niadtong 2017 human nikatap ang hulagway niini nga nagpakaon sa duha niya ka mga anak sa usa ka sikat nga fastfood chain.

Buhatan og part 2?

Kapin na sa P400 million ang kita sa takilya sa pelikula ni Vice Ganda nga “Fantastica”. Mao kini ang kita sa maong pelikula sulod sa siyam ka adlaw.  Nagplano sab ang kampo ni Vice nga buhatan kini og Part 2 human sa mga positibong feedback nga ilang nadawat kalabot sa maong pelikula.

Maghuwat gihapon

Gitataw ni Miguel Tanfelix nga nagmalaumon gihapon siya nga sugton siya ni Bianca Umali puhon. Matud pa niya nga eight years na siya nga nangulitawo niini apan gisabot una niya ang kahimtang sa aktres tungod sa apuhan niini nga dili pa mosugot nga makauyab ang dalaga. Close friends ang status sa duha ug padayon gihapon sila nga makita sa mga umaabot nga mga teleserye sa Kapuso network.

Lahi nga show

Mag-uban sila si Boobay ug Super Tekla sa usa ka show sa Kapuso Network karong tuiga. Wala pa gibutyag ang titulo sa maong show. Tipik sa maong show mao ang paghatag og mga kontroberyal nga mga pangutana sa ilang guests ug audience.

Nauyonan si Martin

Na-starstruck gyud si Angelika Dela Cruz sa kaanyag ni Martin del Rosario sa comedy-drama movie na ‘Born Beautiful”. Si Martin ang bida sa maong pelikula diin mao kini ang usa sa mga sequel sa award-winning movie ni Paolo Ballesteros na ‘Die Beautiful. Sa poster nga gi-post ni Martin sa iyang Instagram account, nagbabag gyud ang komento ni Angelika nga “Ganda mo naman <3”

3M followers

Maayong balita gyud ang misugat sa bag-ong tuig ni Gabbi Garcia gumikan kay miabot na sa three million ang iyang followers ang iyang Instagram account. “It’s only the start of the year yet so many blessings are coming. 3 MILLION. Amazing. THANK YOU”, mensahe ni Gabbi sa iyang fans nga kanunay nga nagsuporta kaniya hangtud karon.