Sharon, Juday, at Jennylyn may labanan sa pelikula
Talagang pangangatawanan ni Dondon Monteverde ang paggawa ng mga pelikula ngayong 2019. Pasabog ang mga pelikulang ginagawa nila at gagawin pa na magtatampok hindi lamang kay Erik Matti bilang direktor ng maraming nakaabang na pelikula kundi maging ng mga malalaking artista. Nagso-shooting na si Sharon Cuneta ng Kwaresma na sa titulo pa lamang ay alam mo nang nakakatakot. Tampok naman si Judy Ann Santos sa The Passover, si Jennylyn Mercado sa Keepers at sina Christopher de Leon at Dennis Trillo sa On The Job 2. Si Erik ang direktor ng mga ito.
Ewan kung paano maisisingit ni Ricci Rivero ang paggawa ng The Happy Times ngayong nakatakda nang magsimula ang season ng UAAP kung saan manlalaro siya ng UP Maroons. Si Brandon Vera ang bida sa Showboys na ididirek ni Kenneth Mandrilla. Tuloy na rin ang the Second Coming ni Jet Leyco starring Jodi Sta Maria at Marvin Agustin.
Gagawin din sa kanila ni Bela Padilla ang Ultimate Oppa. Whewwww, ang dami! Matapos sanang lahat ito.
Angel reynang-reyna uli ang dating
I’m sure, elated si Angel Locsin na makaraang hindi nakita sa telebisyon ng matagal-tagal ay panay naman ang pagpapakita ng trailer ng serye niyang The General’s Daughter ng ABS-CBN. Impressive ang trailer na nagpapakita kay Angel na umaarte kasama sina Albert Martinez at Tirso Cruz lll pero, kasama rin sa palabas sina JC de Vera, Paulo Avelino, Maricel Soriano, mga malalaki at mabibigat na artista pero, kapansin-pansin na si Angel ang wini-welcome sa palabas at binibigyan ng malaking pagpapahalaga. No wonder, loyal ang aktres sa kanyang network.
UNCUT NG BORN… mas inaabangan
Mukhang makakahadlang sa complete success sa box-office ng Born Beautiful ni Martin del Rosario na palabas na sa mga sinehan simula January 23 at magkakaroon ng uncut version sa January 18 sa UP. Siyempre, mas aabangan ito sa UP dahil uncensored ito. Ibig sabihin, mapapanood ang maraming eksena na hindi pinayagang makita sa commercial run nito. Hindi kaya na-anticipate ito nina Perci Intalan at Jun Lana? Buti na lang at limited lamang ang magiging audience sa UP. Yung mga hindi makakapanood ay magkakasya na lamang sa mga commercial theater. Tsk. Tsk. Tsk.
Sorry ni Tony, huli na!
Malaking epekto kay Tony Labrusca yung naging iskandalo niya sa NAIA na kung saan ay nagkaro’n siya ng hindi magandang encounter sa isang Immigration Officer. Nagsisigaw diumano ito nang malamang limitado lamang ang panahon na ipinagkaloob sa kanya para manatili ng bansa.
Isa palang American citizen ang kontrobersyal na aktor na naging toyboy ni Angel Aquino sa isa nilang May-December movie. Nag-apologize man ang aktor, the harm has been done, nakita na’t nalaman ng lahat ang hindi niya magandang pag-uugali. Konswelo lamang niya ay maikli ang memorya ng fans, bukas makalawa ay limot na nila ang insidente.
- Latest