Tony naningka og immigration officer

CEBU, Philippines – Trending kaayo kagahapon ang pangalan ni Tony Labrusca human matud pa usa ka netizen ang nipadayag nga  naningka  ang aktor ngadto sa Immigration Officers sa NAIA Terminal 1.

Base sa Facebook post sa netizen , usa siya sa  Immigration Officers nga nakakita sa  pag-eskandalo matud pa sa  aktor.

Lakip sa iyang  Facebook post mao ang screenshot sa  Twitter post ni Tony nga  mikuwestiyon kun nganong  30 days lang siya gitugtan nga moistar sa nasud.

Tweet sa Kapamilya actor: “Just landed in Manila and the Philippine immigration only gave me 30 days here . LOL . k” 

Depensa pa sa  netizen, dunay  basehan kung nganong wala tugti si Tony nga molapas og 30 ka adlaw sa pag-istar sa nasud.

"You don't have a Philippine passport, not even born in the Philippines, and not travelling with Filipino parents, but you want the same treatment as the other former filipinos.You even shouted and cursed at my supervisor, bragging that you're a celebrity,” suma pa sa maong netizen nga nagpaila nga immigration officer.

Suma pa niya nga nagsige lang og siyagit ang maong  aktor.

"Ang galing mo talaga umeksena, hindi ka na nahiya sa ibang tao. Sigaw ka nang sigaw sa harap ng officers "Boo!",” suma pa niya.

Giingong ganahan kaayo si Tony nga moistar og dugay sa Pilipinas.

"The funny thing is, you were so proud to brag that you work here when you're only suppose to be a tourist here in the Philippines. Tapos mai ganito ka pa na post. Palakpakan! For your info, Balikbayan visa is not a working visa. Nakakahiya ka. Period,” dugang pa sa maong netizen.

Gisuwayag og kontak sa  PEP.ph ang maong netizen apan nagdumili kini nga panganlan  siya.

Gikumpirmar sa  Immigration Supervisor ngadto sa  PEP.ph nga naabot si Tony sa NAIA Terminal 1, sakay  ang PAL-Canadian flight niadtong Huwebes sa buntag.

"He was referred by the primary immigration officer. Witnessed by other immigration officers and passengers,” suma pa niini.

Giingong ni-demand si Tony og Balikbayan Visa apan dili kini haom sa aktor.

Matud pa nga mahimo ra kini kung dunay kauban si Tony  nga Filipino citizens o ba kaha mga kanhi Filipino.

Apan sa kaso ni Tony,  nag-inusara lang siya sa pagbiyahe niadtong higayona.

"He is a US citizen holding of course a US passport. Not even a dual citizen," suma pa sa immigration officer.

Samtang ang amahan ni Tony nga si Boom Labrusca nangayo og pasaylo sa gibuhat sa iyang anak.

Sa comments section sa  Facebook post sa  Immigration officer nga nireklamo kalabot sa binuhatan ni  Tony,  nibilin og mensahe si Boom og nangayo kini og pasaylo.

Sa pagsuwat niining balitaa, wala pa mohatag og statement si Tony kalabot sa kontrobersya nga iyang nasugatan.