Gihalad sa uyab

CEBU, Philippines — Gipahinungod  ni Dennis Trillo ang iyang award nga “2018 MMFF Best Actor”  ngadto sa iyang uyab nga si Jennylyn Mercado. Si Dennis maoy nakaangkon sa maong award gumikan sa hugyaw niya nga pag-arte sa pelikulang One Great Love. “Ang lahat ng ito ay hindi ko magagawa kung hindi sa tulong ng lahat ng mga mahal ko sa buhay. Salamat sa inyong pag aalaga at pagmamahal sakin lalu na kay Jennylyn”, pulong pa ni Dennis.

Magtiayon sa pelikula

Gibutyag ni John Arcilla nga gisugdan na og gama  ang pelikula nga ubos sa direksyon ni Erik Matti. Matud pa niya nga nalakip sa maong pelikula ang Megastar nga si Sharon Cuneta. Magsilbi nga asawa ni John si Sharon sa maong  pelikula.

Mao diay

Mi-esplikar si Jason Dy kun nganong wala siya makapagawas og album karong tuiga. “I’m still working on some music. ‘Yung susunod kong album mas personal na kasi mas marami na ang nagawa ako. Ako na ‘yung nagsulat nang mga kanta. And I’m looking forward to working with new composers, new artists, mga collaborations. Kailangan nila abangan ‘yun”, suma pa ni Jason.

Giklaro ang isyu

Mitingog na si Kyline Alcantara mahitungod sa pagka-link niya ngadto kang Miguel Tanfelix. “You know it’s just rumors. Kami nalang ang magpapatutunay na walang namamagitan sa amin”, suma pa ni Kyline.

21st wedding anniversary

Malipayon nga gisaulog ni Dawn Zulueta ug sa iyang kapikas nga si Anton Lagdameo ang ilang ika 21 nga anibersaryo isip magtiayon niadtong Disyembre 27. Tuig 1997 nagminyo ang duha. Gani, duha ka mga binuhat ang nahimong bunga sa ilang pagminahalay.

Alang kang chard

Usa ka kinasingkasing nga mensahe ang gisuwat ni Dingdong Dantes sa iyang Instagram account nga nagsilbing padayag niya sa iyang pagpasalamat sa iyang co-actor sa Fantastica nga si Richard Gutierrez. “It is an honor to finally share the stage with my EM brother, @richardgutz. After knowing each other for almost 2 decades, what better time to team up than this MMFF holiday season! The sharing of life stories (and motorcycle rides) off cam were as fun as shooting those hilarious scenes in our movie, #Fantastica. Looking forward to our next collaboration!”, mensahe pa ni Dingdong.

Proyekto sa sagada

Magtinabangay sila si Piolo Pascual ug Joyce Bernal alang sa ilang kampanya nga mahimong responsable nga turista. Ang duha makig-alayon sa Department of Tourism. Suma pa ni DOT Secretary Berna Puyat nga mag-isorya sila ssunod tuig nila ni Piolo ug Joyce aron nga tukion ang mga proyekto ug mga lakang nga ilang buhaton sa Sagada.

Nagpahayahay daan

Kasamtangang nagbakasyon karon si Gabby Eigenmann sa Europa aron makapahuway sa dili pa  niya sul-ungon ang naghuwat nga proyekto niya sa Kapuso Network nga “Inagaw Na Bituin”. Si Gabby ang mahimong bida niini. Makauban niya sa maong serye sila si Angelika dela Cruz, Sunshine Dizon ug Angelu de Leon.

Nasuwayan na gyud

Nadayon na ang usa sa mga gipangandoy ni  Sue Ramirez nga mahimong tighatod og showbiz news. Niadtong Disyembre 27, siya ang Star Patroller sa TV Patrol. Nakadawat og mga pagdayeg ang maayon performance ni Sue.

Dreamgirl of the year

Midaog ang Mutya ng Pilipinas 2018 nga si Aya Fernandez isip Dreamgirl of the Year Int’l. Naangkon ni Aya ang maong korona niadtong Biyernes sa Sunway Resort Hotel and Spa sa Kuala Lumpur, Malaysia. Ang maong korona naangkon ni Aya  ug nalakip kini kulminasyon sa Miss Tourism International.