Miley Cyrus, Liam Hemsworth kasal na
MANILA, Philippines — Nag-isang dibdib na si Miley Cyrus sa kanyang long-time boyfriend na si Liam Hemsworth.
Kinumpirma ng 26-anyos na pop star sa kanyang Facebook at Twitter accounts ang ilang litrato mula sa kanilang kasal ng 28-anyos na aktor.
Nakilala si Cyrus sa kanyang pagganap bilang Miley Stewart sa Disney Channel show na Hannah Montana habang si Hemsworth ay gumanap bilang Gale Hawthorne sa film-series na The Hunger Games.
Unang nagtagpo ang dalawa sa set ng pelikulang The Last Song taong 2009.
Binati rin ng manunulat nito na si Nicholas Sparks ang dalawa sa kanilang pagpapakasal at sinabing masaya siya para sa kanila.
This makes me so happy. Congratulations @MileyCyrus and @LiamHemsworth. #TheLastSong https://t.co/LX8C4IVOGF
— Nicholas Sparks (@NicholasSparks) December 26, 2018
Matatandaang ilang beses naghiwalay at nagkabalikan ang dalawa noong 2010, 2013, at 2015.
Dati na rin silang na-engage sa isa't isa ngunit naudlot ito taong 2013.
- Latest