Iza ug Ben nanumpa na
CEBU, Philippines – Trending kaayo ang hulagway nila ni Iza Calzado ug sa iyang hinigugma nga si Ben Wintle nga tipik sa ilang wedding shoot.
Usa sa ilang mga hulagway maoy ang ilang hagkanay ilawom sa tubig,
Nasayran nga gikasal ang duha kagahapon didto sa Coron, Palawan.
Ang kauban ni Iza kaniadto sa Kapuso telefantasya series nga Encantadia nga sila si Sunshine Dizon, Karylle, ug ang TV host nga si Divine Lee-Go maoy iyang bridesmaids.
Nalakip usab sa ilang principal sponsors sila si Ryan Agoncillo , Judy Ann ug Noel Ferrer.
Ang anak nila ni Vicki Bello ug Hayden Kho nga si Scarlet Snow maoy usa sa mga flower girls .
Kahininumdoman nga human sa lima ka tuig isip mag-uyab, ni-propose ang Filipino-British businessman nga si Ben Wintle ngadto kang Iza niadtong October 2017.
Gerald nalanding sa tambalanan
Nalading sa tambalanan dili pa lang dugay ang Kapamilya actor nga si Gerald Anderson apan wala gidetalye sa aktor ang rason niini.
Kinahanglan matud pa nga ipahuway og maayo ang lawas sa aktor aron makatrabaho kini og balik sa umaabot nga mga adlaw.
Kahinumdoman nga nakasuway napud kaniadto si Gerald nga na-admit sa tambalanan gumikan sa over fatigue.
Pinay pasok sa Final 4
Nakasulod ang Pinay singer nga si Bella Santiago sa Final 4 sa "The X Factor Romania."
Sa unang bahin sa semifinals, gikanta niya ang hit song ni Celine Dion nga “It's All Coming Back To Me Now.”
Gikanta usab niya sa ikaduhang bahin sa semifinals ang “Hora Din Moldova” nga entry sa Eurovision song niadtong 2009 .
Nahugyaw og maayo sa iyang performance ang audience ug mga hurado sa maong show.
Gipaagi sa botasyon sa audience aron makaabante sa matag round sa maong show.
Todo panawagan si Santiago sa publiko nga suportahan siya sa katapusang bahin sa Season 8 sa "The X Factor" aron makadaog og 100,000 euro nga cash prize.
Pag-abot ni Catriona gikagobtan
Gikagobtan og maayo ang pag-abot ni Miss Universe 2018 Catriona Gray dinhi sa Pilipinas kagahapon.
Naabot siya og 3:36pm pinaagi sa private plane nga gipanag-iya ni former Ilocos Sur Governor Chavit Singson.
Nidumog gyud ang iyang fans nga nag-atang kaniya sa airport ug todo abiba kang Catriona .
"I'm so happy to be home. I'm so happy to be back," suma pa sa beauty queen.
Paukyab ni Yassi
Usa sa gikalingawan karon sa aktres nga si Yassi Pressman mao ang pagduwa og basketball.
Sa Instagram, gipaambit ni Yassi ang usa ka video kung diin gipakita niya ang pag-shoot sa bola nga nakatalikod.
Sa pagka-karon, dul-an na sa 500,000 views ang nahisgotang video.
Una na nga gidungog nga basketball player ang uyab karon ni Yassi.
Mapuno sa drama, kilig ug pakatawa
Saksak sinagol ang idalit sa umaabot nga pelikula nila ni Coco Martin, Maine Mendoza ug Vic Sotto nga “Jack Em Popoy: The PulisCredibles” nga entry sa Metro Manila Film Festival (MMFF) 2018.
Suma pa ni Coco nga nagsagol ang tema sa maong pelikula nga naglangkob sa aksyon, komedya, romantic ug drama.
Gituyo kini sa aktor aron seguradong malingaw ang motan-aw niini ilabi na panahon karon sa Pasko.
“Itabi muna natin ang kalungkotan, dapat ngayong Pasko, dapat nakangiti tayo,” suma pa ni Coco.
Dugang pa ni Coco nga dakong garbo alang kaniya nga makauban sa proyekto si Vic sanglit dugay na niya kini nga giidolo.
Bisan nailhan si Vic nga artista sa laing network, gipaninguha gyud ni Coco nga maangkon niini ang extra nga oras sa komedyanteng aktor aron mag-uban sa usa ka project.
Nagtimbayayong ang CCM Film Productions, MZET Productions, ug APT Entertainment Inc. sa pagama sa maong pelikula.
“Hinangaan ko na si Bossing noon pa, kaya isang malaking karangalan na makasama ko siya sa MMFF movie. Yung mga pelikula niya sa MMFF noon, malakas sa takilya , kaya nakaka-proud na makasama ko siya ,” matud pa ni Coco atol sa pagtikang niya dinhi sa Sugbo dili pa lang dugay diha sa Robinsons Galleria–Cebu.
Matud pa ni Coco nga sayon nalang gyud kaayo alang kang Vic ang mga aksyon ug stunts gumikan sa kaagi niini kaniadto sa Enteng Kabisote.
Nahimo nang suki si Vic sa MMFF ug pipila sa mga pelikula niini mao ang “Meant To Beh” (2017), “Enteng Kabisote 10 and the Abangers (2016), “My Bebe Love: #KiligPaMore” (2015), ug “My Big Bossing’s Adventure” (2014).
Samtang si Vic sa iyang bahin, nipadayag kini sa iyang kalipay nga nauyonan siya ni Coco kinsa usa sa mga sikat kaayo nga aktor karong panahona.
“Mabait si Coco, nakita ko kung gaano siya ka determinado sa mga ginagawa niya. Hindi naman ako nagdadalawang isip na tanggapin ang pelikulang ito kasi maganda naman talaga ang istorya,” matud pa ni Vic.
Suma pa ni Vic nga dili niya idetalye ang dagan sa istorya sa pelikula aron atngan kini pag-ayo sa moviegoers.
“Basta segurado ako na ma-eenjoy kayo dito,” hirit pa ni Vic.
Dugang pa ni Vic nga bisan lahi-lahi sila og network ni Coco, naghiusa gyud ang tagsa-tagsa nila nga fans sa pagsuporta sa Jack Em Popoy busa nagmalaumon siya nga mo-click gyud kini sa takilya.
Si Maine sa iyang bahin, nipadayag kini nga mao kini ang labing unang higayon nga nakasuway siya og action scenes sa pelikula.
Gawas sa mga workout, nag-agi usab si Maine og firing lessons aron lang gyud matulin ang iyang performance sa maong pelikula..
“Ginagawa ko talaga ang lahat na makakaya ko . Sobrang saya dahil nakasama ko naman ulit sa pelikula si Bossing. Maganda din sa feeling na nakasama ko si Coco Martin, alam naman natin kung gaano siya kagaling na aktor,” saysay pa ni Maine.
Matud pa ni Maine nga ang “Jack Em Popoy: The PulisCredibles” maoy ikaduha niya nga MMFF movie human sa “My Bebe Love: #KiligPaMore” niadtong 2015 kung diin nakauban niya sila si Vic, Ai-AI Delas Alas, ug Alden Richards.
Nagkanayon si Maine nga usa ka prestihiyosong kalihokan ang MMFF busa dakong garbo alang kaniya nga mahimong kabahin niini.
Gawas nila ni Coco, Maine ug Vic, nalakip usab sa Jack Em Popoy sila si Arjo Atayde, Ryza Cenon, Ronaldo Valdez, Tirso Cruz, Sebastian Benedict “Baste” Arumpac, Cherry Pie Picache, Mark Lapid, Jose Manalo, Paolo Ballesteros ug Wally Bayola.
- Latest