Anne gipasidunggan

CEBU, Philippines – Usa si Anne Curtis sa mga Asian Star sa Variety Magazine ug International Film Festival & Awards-Macao (IFFAM) nga napasidunggan isip The Princess of All Media. Ang maong award gihatag ngadto sa aktres kauban ang international stars nga sila si Zheng Kai sa China, Iqbaal Ramadhan sa Indonesia, Xana Tang sa New Zealand, ug Zaira Wasim sa India.

Merese

Ubay-ubay nga housemates ang nakaginhawa sa dihang nakagawas na sa PBB house ang MMA fighter gikan sa Las Piñas nga si Ali Abinal. Sa iyang pagawas, napuno siya sa dili maayo nga mga komento tungod sa iyang gipakita atol sa Decemversus challenge kun diin daghan ang miingon nga wala siya nagpakatinuod ug mitraydor sa iyang mga kauban. Si Ali ang latest evictee sa balay ni Kuya.

Nagpanikad sa resulta

Mapasalamaton si Direk Joven Tan nga nakasulod sa MMFF 2018 Magic 8 ang iyang pelikula nga gibidahan nila ni Michelle Vito, Danzel Fernandez ug Yñigo Delen nga nag-ulohan og “Otlum”.Nagpanikad na siya sa mahimong resulta niini. “Siguro time ko lang ngayon, tsaka baka kailangan ng ganitong horror sa filmfest e, para ibalanse lahat”, suma pa ni Direk Joven.

dIli pasagdan

Dili gyud pasagdan sa child star nga si Awra Briguela ang iyang pagtuon bisan og busy siya sa iyang kinabuhi isip usa ka artista. Matud pa ni Awra nga kung adunay adlaw nga maka-absent siya tungod sa taping, paninguhaon niya nga makaapas siya sa leksyon nila sa ilang klase aron aduna gihapon siyay makat-onan. Anaa na karon sa Grade 9 si Awra ug plano niya nga mokuha sa kurso nga Tourism puhon.

Negosyo ni Liza

Gisaulog karon ni Liza Soberano ang una nga anibersaryo sa iyang negosyo nga Hope Hand and Foot Wellness. Usa kini ka massage center. Maingon nga mao kini ang labing una nga negosyo nga naangkon sa aktres.

Mosuway og indie

Human nga migama og mga blockbuster rom-com nga mga pelikula ang direktor nga si Theodore Boborol, hingpit na sab niya nga gisudlan ang lain nga genre sa pelikula nga mao ang pagama og indie movies. "I was always curious about making an indie film. This time, the story

gets personal and you put more of yourself into it", suma pa ni Direk Theodore.

Duha ka tuig na diay

Gitug-an ni Ronnie Alonte sa Gandang Gabi Vice nga duha ka tuig na sila nga uyab ni Loisa Andalio. Matud pa ni Ronnie nga gitago una nila ang ilang relasyon sa publiko niadtong bag-uhay pa lang sila apan sa dihang nagkadugay na, gipili na nila nga ianunsyo kini sa publiko. Tsika pa ni Ronnie nga malipayon sila karon ni Loisa sa istado sa ilang relasyon.

Mag-uban pagbalik

Magkauban pagbalik sa usa ka proyekto sila si Ian Veneracion ug Bea Alonzo. Malakip sa maong proyekto si Richard Gutierrez. Wala pay klaro nga detalyo mahitungod sa maong proyekto apan mao na kini ang angayan nga atangan sa mga fans karong 2019.

People’s choice

Napasidunggan usab si Scarlet Snow Belo isip “People's Choice” sa latest issue sa bi-monthly magazine nga Stargate People Asia. Nagpasalamat si Scarlet sa maong award pinaagi sa usa ka Instagram post. Matud pa niya nga sama na sila og award nga nadawat sa iyang inahan nga si Dra. Vicky Belo. “Thank you, @peopleasia for appreciating me. Now I have an award similar to my Mommy @victoria_belo”, suma pa ni Scarlet.