Derek tinularan sina Rayver at Jason
Maganda ang ibinabadya ng bagong taong 2019 sa GMA 7. Magsisilbing isang buwena mano sa network ang gagawing pagpirma ng kontrata sa kanila ni Derek Ramsay, isang aktor na matagal na nilang hinihiling na magtrabaho sa kanila. Wish granted ang pagpapasya na gagawin ng aktor na nangakong sila ang gagawing unang agenda for 2019.
Makakabilang na si Derek kina Rayver Cruz at Jason Abalos na nauna nang iniwan ang ABS CBN para lumipat ng GMA para mapahaba ang kanilang roster ng mga leading men na kinabibilangan nina Dingdong Dantes, Dennis Trillo, Gabby Concepcion, Tom Rodriguez at marami pa na maaring ipareha kina Jennylyn Mercado, Carla Abellana, Marian Rivera, Lovi Poe, Heart Evangelista, atbp.
Moira kina-career ang kasal
Sana mapangatawanan ni Moira dela Torre ang kanyang ginagawang pagpapapayat hindi lamang para sa kasal niya sa January 2019 kundi para rin sa kanyang karera sa showbiz. Napakabilis ng pag-angat ng kanyang karera dahil bukod sa talaga namang magaling siyang singer ay marunong din siyang gumawa ng kanta. Maganda rin siya.
Sayang ang swerte at magandang pagkakataon. Wala ring bride to be na gustong rumampa patungong altar na hindi ang wedding gown niya ang mapapansin kundi ang malaki niyang pangangatawan.
Bong ‘di pa agad puwedeng mag-pelikula
Expected naman ng lahat na ang paggawa ng pelikula ang bibigyan ng prayoridad ni Bong Revilla ngayong malaya na siya. Malayo kayo pa naman ang eleksyon at hindi man siya ang maging artista sa gagawin niyang movie, magiging abala siya sa produksyon nito. Hindi naman kasi siya papayagang gumawa ng pelikula kung lalahok siya sa eleksyon bagaman at pwedeng gawan niya ng follow up ang unang ginawa ng kanyang amang si Ramon Revilla, Sr. na movie tungkol sa Balanggiga Massacre lalo’t nabawi na ng bansa ang tatlong Balanggiga bells sa mga kumuha nito. Knowing Bong, papatulan niya ito pero, di pwedeng mapanood sa panahon ng kampanya sa pulitika at eleksyon. Tsk. Tsk. Tsk.
- Latest
