EB mobalhin og bag-ong studio
CEBU, Philippines — Sa dili pa hingpit nga mobalhin og studio ang Eat Bulaga, gibisita sa TV host nga si Joey de Leon ang bag-ong lokasyon sa maong show.
Nag-post si Joey og hulagway sa Instagram kung diin makita ang APT Studios , ang bag-ong studio sa Eat Bulaga! sugod karong December 8.
“After the 6:00 AM Mass at the Shrine of Saint Therese of the Child Jesus today, visited Eat Bulaga’s new home,” suma pa sa caption sa maong hulagway.
Ang bag-ong studio sa maong show nahimutang sa Marcos Highway sa Marikina .
Ang kasamtangang lokasyon sa Eat Bulaga nahimutang sa Broadway Centrum sa Aurora Boulevard, Quezon City.
“Matapos ang halos Pitong Libo at Dalawang Daang tanghaliang pinagsaluhan natin sa Broadway Studios, LILIPAT na kami ng bahay! Bisitahin ang bago naming haybols sa December 8!,”dugang post sa TV host.
Wala mangayo og sorry
Gibutyag ni Jessy Mendiola nga naka-move on na siya sa panagbangi nila ni Enrique Gil kaniadto sulod sa eroplano.
Taod-taod na nga gidungog nga dili kaayo magtagad sa personal sila si Jessy ug Enrique human sa gikalambigitan nila nga insidente sulod sa eroplano nga nagbiyahe paingon sa London alang sa ASAP Live sa maong dapit sa nilabay na nga mga tuig.
Una na nga nigawas ang taho nga sigeg samok-samok si Enrique kang Jessy sulod sa eroplano.
Ug natsismis nga hubog matud pa si Enrique niadtong higayona. Nilaban si Luis Manzano kang Jessy hinungdan kini napud ang nakasumpaki ni Enrique. Matud pa ni Jessy nga wala gyud nangayo og sorry si Enrique kaniya pagkahuman sa maong hitabo.
, “Nag-move on na ako.May mga bagay… ikaw din kasi ang mahihirapan, e, kapagka hindi mo ni-let go yung mga ganung bagay.And now, okay na ako, e. May mas malala pang bagay na nangyari sa akin.And halata naman siguro na happy ako ngayon and yung mga dating nangyari, hayaan na natin yun,” saysay pa niya nga namantala sa pep.ph.
Cherie nagyawyaw
Naukyab pag-ayo ang social media followers ni Cherie Gil sa dihang ni-post ang aktres og,” “Certain actors’ etiquette are not taught in some acting workshops. And I think they should be.”
Giingong dunay mga artista ang mokalit lang tawag kaniya og “Tita” bisan pa man nga wala pa sila nag-ilhanay niini.
“NEVER ever kiss me in greeting, out of so called politeness and courtesy, if I don’t know who the hell you are!Introduce yourself first.And pllleeeaaasssee don’t call me TITA unless we are blood related.NEVER ever echo the directors instructions to your co-actor in the scene,” dugang social media post ni Cherie.
- Latest