Giregalohan og diamond ring

CEBU, Philippines — Usa ka hugyaw  nga performance ang gidalit ni  Megastar Sharon Cuneta atol sa concert ni Songbird Regine Velasquez didto sa New Frontier Theater niadtong Sabado. Nag-duet sila si Regine ug Sharon sa  "Pangarap Na Bituin" ug "Bituing Walang Ningning." Daghan sab ang nahugyaw  sa dihang gihatag ni Sharon ang iyang diamond  ring ngadto kang Regine isip remembrance sa una nilang panag-uban sa entablado.

Linahi nga tribute

Nahimong lahi sa uban ang kataposang gabii sa haya sa anak nilang Tirso Cruz III ug Lyn Ynchausti Cruz nga si Teejay, kini human nanayaw ug nanganta ang tanang namilar pinaagi sa "Every Praise" dance number nga gipangulohan sa pamilya niini. Namatay si Teejay niadtong Miyerkules tungod sa sakit nga lymphatic cancer.

Zsa Zsa nahiubos

Aduna matud pay kahiubos si Zsa Zsa Padilla sa nahitabong pag-reformat sa ASAP,  kini human wala nadayon ang paghatag sa na-assign na unta niya nga segment. Apan giklaro niini nga wala siya nagbaton og dumot tungod sa maong panghitabo. “Kapatid, I have purged all hurt and I’m staying positive from now on! Thank you, as always, for listening. Love you!”text pa niini ngadto sa Pep.ph.

Dili ipasalida

Nipabuhagay sa iyang kasubo ang aktor nga si Paolo Contis human wala nahatagan og slot sa mga sinehan ang gibidahan niyang pelikula nga Ang Pangarap Kong Holdap. "Isang malungkot na araw! Ang Pangarap Kong Holdap cannot get cinema slots. According to them, the movie is sending a bad connotation to the public because of its title. We think what you're doing is the REAL HOLDAP,"post pa sa aktor.

Nausab ang huna-huna

Gipaambit sa aktres nga si Ria Atayde nga gusto na siyang mag-independente  ug molahi og puyo sa iyang mga ginikanan. Nagsabot na matod pa sila sa iyang maguwang nga si Arjo Atayde nga mag-uban nalang sa usa ka balay aron makadaginot apan wala siya nidayon sa maong plano. "I mean, initially we planned to live together. Then I was like, 'No. You're just going to make me utos every thing,"sigon pa niini.

Naandan na gyud

Nihatag og reaksyon ang  Kapuso actress  nga si Katrina Halili sa bag-o niyang role isip kontrabida sa serye sa GMA-7 nga Pamilya Roces. “Ang demonyo ko talaga! Masama talaga. Okay naman yung kontrabida e, pero yung sana may dahilan kung bakit ka naging ganyan. Lagi na lang ang saklap ng ending sa akin, e. Pinapakain sa buwaya, sinusunog, ganun,”sigon pa ni Katrina.

Gipalabi ang uyab

Wala matud pa’y pagmahay si Aiko Melendez sa wala niya pagdayon og dagan isip Quezon City Councilor human mas gipili nga ubanan ang uyab nga si Subic Mayor Jay Khonghun sa pagpangampanya niini sa pagka-Vice Governor sa Zambales. “Not a single tinge of regret! Worth it naman na samahan siya,"butyag pa sa aktres.

Malipayon sa titulo

Gikalipay og taman sa Kapamilya star Kathryn Bernardo ang pagkapili niya nga labing unang Girl Scout Ambassador sa Girl Scout of the Philippines. "Nakakakilig yung feeling na 'yon na ang daming pwedeng maging face of Girl Scout, yet they chose me. At first time pa sila kumuha ng ambassador na celebrity Sana more than just that, marami akong ma-encourage and mas marami akong makuhang bagong mga Girl Scouts lalo na yung generation ngayon,"sigon pa sa aktres.

LizQuen nagpanikad na

Naghinam-hinam na sila si  Liza Soberano ug Enrique Gil sa  ilang upcoming movie karong 2019. “I am very excited that we get all this time to prepare for this movie kasi ‘yung previous movies namin laging nagmamadali kami. It’s really exciting that we get to immerse also kinda relive our childhood again and I’m just really excited to be doing a movie again,” suma pa ni Liza.

Nawili sa Palawan

Dili na ganahan mouli ang Australian supermodel Jordan Barrett human nakabisita sa isla sa Palawan. "It was incredible. I got to swim with the sharks in the morning, and then kayak... then hiked in the afternoon. It was incredible, incredible! Just leave us here, uh,"sigon pa sa 22 anyos nga modelo.