Nirampa sa swimsuit competition

CEBU, Philippines – Gi-enjoy gyud pag-ayo sa pambato sa Pilipinas sa Miss International nga si Ahtisa Manalo ang mga pre-pageant activities nga mugna sa maong indigay. Gani, gikalipay sab niya nga makarampa sa swimsuit competition sa Miss International nga karon lang  nahitabo. Bisan pa man, gipangulbaan na sab siya sanglit ugma na puhon mahitabo ang coronation night didto sa Japan.

Pokus sa pag-artista

Gibahin sa Kapuso beauty queen nga si Teresita Ssen “Winwyn” Marquez ang iyang mga plano nga buhatunon karon nga natapos na ang iyang turno isip Reina Hispanoamericana. Matud pa niya nga aduna siya’y umaabot nga ipelikula sa Regal Films ug usa ka teleserye.

Kyline, gihulipan ni Therese

Excited na si Kyline Alcantara nga makatrabaho ang award-winning teen actress nga si Therese Malvar nga dugay na niya nga gipangandoy nga makauban sa usa ka proyekto. Matud pa ni Kyline nga si Therese mao ang mihulip kaniya kaniadto sa usa ka proyekto nga alang unta kaniya.“One little fact, yung role niya dati sa Ang Huling Cha-Cha ni Anita was dapat for me. But I chose Annaliza”, suma pa ni Kyline.

Mobalik sa ang probinsiyano

Wala gyuy plano nga mopahuway sa pagdawat og proyekto ang beteranong aktor nga si Eddie Garcia karon nga gitanyagan na sab siya nga mobalik sa Kapamilya series nga “FPJ’s Ang Probinsyano”. Siya ang modala sa karakter nga si Gustavo nga mao ang modala og kalibog sa mga kontra sa maong serye. “Ang kuwento ngayon lilituhin ko na ang mga kalaban, hindi na ako si Don Emilio, naglagay na ako ng patch, gintong ipin, may gwantes palagi at may seksing babae sa gilid, palagi na chikinining bata”, suma pa sa beteranong aktor.

Di mosugot

Dili mosugot si Julia Barretto nga mosulod sa Pinoy Big Brother house ang iyang onscreen partner nga si Joshua Garcia kinsa nahimo sab nga housemate ni Kuya kaniadto. “No, I’ll miss him. No, he’ll be there for so long. Kasi pag other country, puwede pang mag Facetime, puwede pang mag video call, pero pag yon, wala zero. No,” suma pa ni Julia.

Aktres na sab

Naghinamhinam na sab ang beauty queen nga si Ariella Arida sa iyang bag-ong karera isip usa na ka artista. Gikalipay sab niya og maayo gumikan kay daghan siya og mga positibo nga mga komento nga nabasa online human siya midala sa karakter ni Irene sa serye nga Playhouse nga gibidahan ni Angelica Panganiban ug Zanjoe Marudo. Mao kini ang labing una nga acting role nga nadawat ni Ariella human siya nahimong usa ka host sa usa ka game show.

Gitubag ang netizen

Giasoy ni Jed Madela ang kabahin sa usa ka tweet gikan sa usa ka netizen nga niquestion nganong dili siya mahimong hit singer  bisan og maayo siya nga bokalista dinhi sa nasud. Gitubag sab ni Jed ang maong tweet nga “music lovers actually don’t have to sing along with me. Real music lovers do not have to sing along and I don’t see anything wrong if I can sing my own songs. Kasi it’s my own expression, it’s my own music”.

Way labot karon

Mi-esplikar si Luis Manzano nganong dili siya malakip sa Christmas Station ID sa Kapamilya network. Matud pa ni Luis nga magbakasyon siya sa laing nasud. Mao kini ang unang higayon nga dili makita sa maong station ID ang TV host.

Nipirma sa stages

Magdugay pa gyud dinhi sa nasud ang Pinoy pride nga si Jessica Sanchez gumikan kay mipirma na kini og kontrata sa iyang bag-o nga management team nga Stages. Excited na si Jessica sa laing hugna sa iyang karera. Nanghinaot sab ang singer nga unta makapagawas siya puhon og usa ka awit nga tagalog.

Salig ra ni Maine

Si Vic Sotto ang nagsilbi nga amahan karon ni Maine Mendoza sa showbiz. Matud pa ni Vic nga dili siya manginlabot sa mga giatubang nga intriga niini tungod kay dako ang iyang pagtuo nga makat-unan ra ni Maine kun unsaon pag-atubang niini pinaagi sa kaugalingon nga pamaagi.