“Artista” Na
CEBU, Philippines – Wala giisip ni Mommy Tiger nga mahimo siya nga artista samtang usa pa siya sa motigi sa The Clash gumikan kay dili sab lalim ang iyang kahimtang ilabi na sa pagkusokuso sa dagan sa kompetisyon.
“Dili pa ko katuo ba nga artista na diay ko, pero kato ng nagpirmahanay na mi kay nakaingon nako nga artista na gyud diay ko!”, pulong pa niya.
Bisan tuod og dugay man natuman ni Mommy Tiger ang iyang pangandoy niadtong bata pa nga mahimong usa ka sikat nga singer, apan tungod sa iyang kompyansa sa kaugalingon, pagsalig sa Labaw’ng Makakagagahum nga aduna pay maayo nga mga panghitabo sa iyang kinabuhi, nahatagan gyud kini og katuman.
“Hapit na nga mawala sa akong hunahuna pero karon, Hala! Dili man diay uwahi ang tanan sa?”, mapahiyumon nga pagtapos ni Mommy Tiger.
- Latest