Gikagubtan sa Facebook

CEBU, Philippines – Nag-viral sa Facebook ang transformation photos sa kanhi Pinoy Big Brother 737 housemate nga si Ryan Bacalla diin nag make up siya ug nagsul-ob og sinena sa babaye. Daghan sa mga netizens ang nikomentaryo nga managsama sila og nawong sa social media superstar/entrepreneur Kylie Jenner. Nailhan si Ryan nga “Kid Sunshine ng Cebu”  sa didto pa kini sulod sa PBB house  Pagkakaron, nakaangkon og 24,000 reactions ug 49,000 shares ang maong post.

Nibisita sa higala

Nibisita sa haya ni Rico J. Puno ang aktor nga si John Estrada uban ang iyang asawa nga si Priscilla Meirelles. Gipaambit niini nga nakaila niya ang nipanaw nga singer ug dili lang kini maayong mang-aawit kun dili usa sab ka komedyante. Nagkauban ang duha isip hosts sa noontime show sa ABS-CBN kaniadto nga Happy Yipee Yehey!

Makarelate si Ai-Ai

Makarelate kaayo matod pa silang Ai-Ai delas Alas ug patner nga si Gerald Sibayan, sa istorya nilang Angel Aquino ug Tony Labrosca sa digital series nga  Glorious ug tagline niini nga “50 is the new 20”. “Super relate kami. Dapat noon pa may movie na ganyan. Dati ko pa ‘yan gustong gawin hahaha!”tsika pa ni Ai-Ai.

Gipasigarbo ang hulagway

Wala’y duha-duhang gi-post sa social media ni Carlo Aquino ang sweet photo nilang Angelica Panganiban nga kuha atol sa ilang bakasyon sa Japan. Makita sa maong hulagway nga gitangtang nilang duha ang gisul-ob nilang maskara nga inspired gikan sa Netflix series nga La Casa de Papel o Money Heist. Kasamtangan nga gidungog ang duha nga nagbalik na gyud.

Ryan is back!

Nakabalik na sa noontime show nga Eat Bulaga! ang dabarkads nga si Ryan Agoncillo human nag-leave of absence og pila ka buwan para sa therapy sa iyang tuhod. Kahinimduman nga na-injured ang tuhod ni Ryan human naaksidente samtang nag-motorcycle training niaging tuig.

Mopasaka og kaso

Nakauli na sa Korea ang Korean actor nga si Lee Jong Suk ug staff niini, kini human  gi-detain sa airport didto sa Bali, Indonesia. Gikuha ang ilang mga passport sa airport authorities kay daw gigukod man diay sa awtoridad ang  local promoter nga nagpahigayon sa ilang fan meeting activity didto sa Bali tungod  sa wala pagbayad og tax. Gikatakdang mopasaka og kaso ang korean star batok sa maong promoter.

Bag-ong proyekto

Gipahibalo sa Kapamilya actor Enzo Pineda nga aduna siya’y pagabidahan nga usa ka telerserye sa ABS-CBN kauban si Cristine Reyes ug RK Bagatsing. “Bagong teleserye, ito po ay Nang Ngumiti ang Langit. Kasama po namin dito si RK, Cristine, and marami pa pong magagaling na artista,” ni Enzo pa.

Hugyaw ang viewers!

Nikabat na ngadto sa 8.5 million views ang gikagubtan sa tanan nga trailer sa digital series nilang Kapamilya hunk actor Tony Labrusca ug Kapamilya actress Angel Aquino nga giulohang  “Glorious.”’ Busa nagpaabot sa iyang pasalamat si Angel ngadto sa publiko tungod sa hugyaw nga suporta niini sa  labing unang pelikula nila ni Tony. Ang maong pelikula ubos sa Dreamscape ug gikatakdang ipasalida sa IWant App karong November 17.

Naglaroy-laroy sa nasud

Nia karon sa nasud ang  French boyfriend ni KC Concepcion nga si  Pierre Emmanuel Plassart. Gisuroy ni KC ang iyang uyab sa mga sikat nga tourist spots dinhi sa nasud. Kahinumduman nga gipahibalo sa publiko ni KC ang relasyon nilang duha niadtong Agosto.

Mag-concert sa Pinas

Niabot na sa nasud ang American Idol runner-up nga si Jessica Sanchez  aron mag-perform sa upcoming concert niini nga nga giulohang Jessica Sanchez with Special Guest Martin Nievera, karong Nobiyembre 10 didto sa Solaire Hotel  Unang nailhan si Jessica sa giapilan niining  singing competition nga American Idol didto sa Estados Unidos.