Anak ni Diego, artista na!

CEBU, Philippines — Pormal na  nga gipaila  sa GMA Artist Center ang bag-o nila nga talent nga si  Claire Castro ug nipirma na kini og  management contract dili pa lang dugay.

Nitambong sa  contract signing sila si GMA Assistant Vice President for Talent Imaging and Marketing Simoun S. Ferrer, Senior Talent Manager Tracy Garcia, ug  ang amahan ni Claire  nga si  Diego Castro kinsa  iyaha usab nga co-manager. Gibutyag ni Claire nga dugay na gyud  siya  ganahan mosulod sa acting world  ug usa sa iyang giidolo mao ang  Kapuso Primetime Queen nga si  Marian Rivera.

“I’ve always looked up to Ms. Marian ever since I was a kid. I remember doing her iconic Marimar role in front of the mirror, and now that I’m officially a Kapuso, I can’t wait to meet her,” matud pa niya.

Naliwat si Claire sa iyang amahan nga si Diego kinsa sikat nga 90’s matinee idol. Matud pa ni Diego nga isip amahan, kinahanglan gyud siya mohatag og lig-ong suporta sa iyang anak.

“On her own alam na niya ang gagawin, since bata pa lang, she’s been exposed to showbiz. I guess the best tip I can give her is humility, kasi no matter how pretty or talented you are, kung wala kang humility babagsak ka nang mabilis,” suma pa ni Diego.

Giangkon ni Claire nga nakulbaan siya sa iyang pagsulod karon sa showbiz apan dili niya usikan ang maayong opurtunidad nga  iyang nadawat.

“I’m still nervous, but more than that, I feel excited that I’m finally going to do what I love. I am willing to learn everything and I trust my management to guide me through it,” dugang pa niya.

Tsismis ra

Gituldukan na ni Neil Arce ang tsika nga nagbuwag na silang duha ni Angel Locsin. Kagahapong adlawa lang, mi-post siya sa iyang Instagram account sa hulagway nilang duha ni Angel samtang  tua nanglulinghayaw sa Amerika.  “Hey World... look How beautiful my girlfriend is and guess what she’s also an Angel!”, kapsyon pa ni Niel.

The Kid’s Choice grand champion

Natuboy nga grand champion sa The Kid’s Choice talent show sa ABS-CBN si Elsa Droga ug ang manghod niini nga ka-tandem  niya sa maong kompetisyon. Pakyas man ang duha nga makasulod sa unang round apan gipaningkamutan sa duha nga makasulod sa Grand finals sa  nahitabong Wild Card round. Naangkon sa duha ang ganti nga P500,000 nga cash

Naguol sa kapakyasan

Naguol pag-ayo ang pambato sa Pilipinas sa Reina Hispanoamericana 2018 nga si Alyssa Muhlach Alvarez gumikan kay wala man lang gyud siya madala sa Top10 sa maong international pageant nga nahitabo didto sa Sta. Cruz, Bolivia niadtong Domingo. Samot nga gikaguol ni Alyssa ang iyang kapildihan gumikan kay pakyas siya sa iyang tumong nga ma back-to-back ang kadaogan sa nahimong Reina Hispanoamericana 2017 nga si Winwyn Marquez.

Tubag ni Jessica

Sa pagbisita ni American Idol” season 11 runner-up Jessica Sanchez sa “Umagang Kay Ganda” kagahapon, gitubag niya ang mga pangutana kabahin sa umaabot nga show sa Kapamilya network nga “Idol Philippines”. Miulbo ang taho nga molingkod si Jessica isip hurado kauban ni Regine Velasquez sa maong show. “I heard there’s like rumors about that but nothing is like set in stone right now. But if they do ask me, I would love to be part of that,” tubag pa ni Jessica.

Ang kagahapon

Nipasabot si Judy Ann Santos sa  status nila kaniadto ni anhing  Rico Yan. “Kami ni Rico hindi kami dumating sa point na nagkaroon kami ng relationship na more than friends. We will always say na we’re more than friends but we’re not lovers. Hindi kami umabot sa puntong ‘yon. Hindi lang talaga kami umabot sa puntong nagkaseryosohan”, esplikar pa ni Judy Ann.

Nagkatawa sa bana

Gikahimut-an pag-ayo sa publiko ang panag-uban sa ex-lovers nga sila si Ariel Rivera ug Regine Velasquez sa ASAP stage. Nalingaw pag-ayo si  Regine sa maong song number. Matud pa ni Regine nga wala ra siya makabatyag og espesyal ngadto sa maong production gumikan kay mas nahimuot siya nga nagtan-aw sa iyang bana nga si Ogie Alcasid nga nagpahipi sa kilid ug nagpaka-aron-ingnon nga nagselos. Dugang pa ni Regine nga suod sila karon nga higala ni Ariel ug wala’y kinahanglan nga selosan ang iyang bana nga si Ogie.

Busy sa lain

Gitataw ni Rhian Ramos nga aduna siya’y giatiman nga lain nga dako nga proyekto hinungdan nga dili kaayo siya  makita sa telebisyon. Nasayran nga duna pa’y nakalinya nga mga proyekto si Rhian sa GMA-7.  Na-busy usab ang  aktres sa mga pelikula karong tuiga.

Prayoridad ang career

Gitug-an ni JM De Guzman nga wala pa siya’y plano nga mosulod og bag-ong relasyon  bisan og na-link na siya ngadto kang  Barbie Imperial ug Rhian Ramos. Matud pa sa aktor nga mas importante niya ang iyang karera karon. “Kasi parang, sa dalawang beses po na  nagkaroon po ako ng break, na binigyan ako ng opportunity sa career ko, inuna ko po yon. Masyadong yon ang nasa number one priority ko ngayon”, suma pa ni JM.

Todo hataw gihapon

Abtik gihapon mo-perform si Mr. Pure Energy Gary Valenciano bisan og miagi na kini og mga operasyon niadtong Mayo. Gani, balik -hataw na sab kini sa iyang mga mall show atol sa iyang paglusad sa iyang album nga “Awit at Laro”.

Sitti nanganak na

Nanganak na niadtong Nobyembre 4 ang Bossa Nova singer nga si Sitti Navarro. Usa ka batang babaye ang ilang anak sa iyang bana nga si Joey Ramirez. Gipanganlan sa duha ang ilang anak og Issiah Dañelle.