Wa damhang korona

CEBU, Philippines — “Cebu is my home. Bisan sa kadaghan nimo nga maadtuan nga lugar but this place would really make you feel nga naa gyud ka sa inyong panimalay. This is where you could be yourself. This is where you could grow and where you could be anything you want”.

Mao kini sa ang gisaysay sa 22- anyos nga nahimong Miss Millenial Philippines 2018 nga si Shaila Mae Rebortera. Dugong Cebuano gyud si Shaila sanglit ang iyang lolo taga Cebu. Taga Leyte iyang lola, ug pagminyo sa iyang mga apohan, didto na sila nanimuyo sa Davao, City, diin didto si Shaila gihimugso ug nagdako hangtud nga nibalhin sila dinhi sa Sugbo pagtapos niya og high school.

Nakahatag gyud og dakong garbo sa Sugbo si Shaila human niya naangkon ang nahisgotang titulo sanglit iyaha man nga gi-promote ang turismo sa atong dapit.

Giangkon ni Shaila nga wala niya damha nga malakip siya sa maong indigay gumikan kay sa unang imbitasyon niya niini, iya na kini nga gibalibaran tungod sa mga kasikas sa iyang kinabuhi diri sa Sugbo ug tungod kay dili siya gusto nga matarog ang iyang pokus sa iyang pagtuon isip usa ka dentistry student sa Cebu Doctor’s University.

Maingon gyud ni Shaila nga destiny sab gyud ang iyang pag-apil sa maong indigay gumikan kay  makaduhang higayon na gyud nga nanuktok ang maong indigay sa iyang pultahan.

“I was contacted last minute on a Thursday morning and I really felt different because it’s really like an opportunity that I really wanted to take. Basta naa rajuy feeling nga I really want this one. So pag-gabii ana, I flew to Manila. I was the last candidate to arrive”, saysay pa ni Shaila.

Wala gyu’y husto nga pagpangandam si Shaila alang sa maong indigay tungod kay matud pa niya  paspas gyud ang dagan sa mga panghitabo sukad nga miabot ang Miss Millennial sa iyang kinabuhi.

“Pag-launching sa Miss Millennial, I must admit nga dako gyud og tabang nako ang  Skin 911 sa pag- glow sa ako akong hitsura. My Skin 911 family helped me to be prepared enough”, suma pa ni Shaila.

Si Shaila usa sa mga ambassadress sa maong skin clinic.

Dugang pa ni Shaila nga gibati sab gyud siya og pagduhaduha sa iyang kaugalingon.

“Before the finals sa pageant kay nag-breakdown pa gyud ko kay I really felt that I couldn’t make it. I tend to ask myself nga “nganong niapil pa ko ani”. I feel like I’m wasting time on this nga supposed to be I should have spent my time sa akong studies unya I wasn’t sure if it would  be worth it ba gyud. Grabe akong self-doubt gyud ug tinuod gyud to akong pagtubag sa pangutana nila kung feeling ba daw nako nga madaog nako. Tinuod gyud nga ang mga tawo gyud ang nakapa-push nako nga kihanglang mosalig gyud ko sa akong kaugalingon,” padayag pa ni Shaila.

Sa nahitabong koronasyon, nagpabilin lang siya nga kalmado ug gipaniguro niya nga dili gyud niya usikan ang higayon nga nakatungtong na siya sa dakong entablado sa Eat Bulaga aron ibandera ang Sugbo sa lukop nasud ug sa nagkadaiyang bahin sa kalibutan.

Karon nga naangkon na ni Shaila ang titulo isip ikaduhang Miss Millennial, buot una niya nga tapuson ang iyang pagtuon gumikan kay usa na lamang ka semester ug mopaso na siya.

Dugang pa ni Shaila nga aduna nay giandam ang Eat Bulaga sa iyang mga mahimong katungdanan isip Miss Millennial. Matud pa nga suruyon niya ang nagkadaiyang  hugyaw nga dapit sa Pilipinas.

Dakong kalipay ni Shaila nga usa kini sa iyang buhatunon gumikan kay mahatagan na sab og katumanan ang iyang adbokasiya nga #TheToothbrushProject.

“This is my personal advocacy related to my course, my chosen career. I want to be able to give toothbrushes to kids all over the Philippines. Since I am given the chance to go to different parts of the Philippines, to promote sa beauty of our country and the chance to spread my advocacy like giving toothbrushes and giving them tips on proper oral hygiene. So through Miss Millennial, I could make my advocacy turn reality na gyud”, siya nagkanayun.

Dugang pa nga dako sab gyud ang iyang pasalamat gumikan kay bisan pa man sa iyang mga nasinati sa kinabuhi, anaa gyud ang Gunoo nga naggiya kaniya.

“I must admit nga one of the saddest point in life was when we transferred here in Cebu. Because I came from Davao. It was so sad for me to be here kay akong mga gidak-an nga mga friends and classmates kay dili na nako makauban”, suma pa niya.

Apan sa kaguol nga nabati ni Shaila, wala niya damha nga daghan ang mga maanindot nga mga kahigayunan ang nagpaabot kaniya.

“Ang Cebu mismo ang ni-welcome nako with open arms nga gi-blessingan gyud ko og sobra-sobra kay the main purpose why my family chose to be here sa Cebu is for me to finish my studies and to be here for good. At first, I didn’t like the idea of being here but then gi-prove gyud ni Señor Santo Niño sa ako nga I belong here”, saysay pa ni Shaila.

Usa pa lang ka tuig si Shaila dinhi sa Sugbo, natagad na gyud ang iyang kaanyag ug tungod niini, siya ang nahimong representante gikan sa Cebu Doctor’s University alang sa Miss Cesafi nadtong 2014.

Human sa maong kompetisyon, nadiskubre siya  sa designer nga si Malayka Yamas kinsa maoy nipaila niya ngadto sa iyang manager karon nga si Stacy Lloren sa Stacy Models Management.

Maingon ni Shaila nga destiny sab gyud ang mahimo siya nga beauty queen ug ang manimuyo na dinhi Sugbo.

 “I really believe that there is something destined for you. It’s up to you to make it happen. God has plans for you but ikaw as a person, you have to be able to know how to work hard for it. I am thankful for what God has been giving me. This is my destiny, and I am super thankful to become one of the inspirations sa mga millennial karon”, pagtapos ni Shaila.