Photobomber ni Cesar
CEBU, Philippines — Gipistahan karon sa social media ang usa ka video greeting sa aktor nga si Cesar Montano.
Nasayran nga nagmugna og video greeting ang aktor alang sa usa ka kagawad sa Sta. Ana, Manila nga dunay gitas-on nga 15 segundos.
Naukyab ang netizens sa maong video gumikan kay samtang nagtabi ang aktor, duna’y babaye nga nilugwa sa luyong bahin niini.
Naghubo ang maong babaye ug nagkuha kini og tualya. Wala hinoun naklaro ang dagway sa babaye sa maong video.
Gi-upload ang maong video sa Facebook user nga “Rolando Olano” nga duna na’y minilyon nga views.
Sa pagka-karon, gipapas na ang maong video apan daghan na ang naka-download niini.
Hagbay ra nga gidungog nga duna’y non-showbiz nga partner karon si Cesar. Na-link usab kaniadto si Cesar sa usa ka beauty queen nga nagbase na karon sa laing nasud.
Wala pa mohatag og stament ang kampo sa aktor kalabot sa maong kontrobersya apan nikatap usab karon sa social media ang giingong hulagway sa kasamtangan niya nga hinigugma.
- Latest