Jessy pumalag na sa mga lalaking nagpapa-picture na humahawak sa kanyang bewang

Bawal nang humawak sa beywang ni Jessy Mediola ang mga lala­king gustong magpa-picture sa kanya.

Maayos ang pakiusap ng girlfriend ni Luis Manzano sa kanyang IG story sa mga nagpapa-picture na mabilis ang kamay at automatic na nakahawak agad paglapit pa lang. “Hello male friends. Next time you ask for a picture, please do not touch my waist without my permission. It’s inappropriate.”

Maraming fans kasi ngayon na gustong magpa-picture sa mga celebrity lalo na, as if close sila pag lumapit. Pang-social media nga naman at ito ang madalas nakakakuha ng maraming likes.

At pag hindi pinagbigyan, nila-lambash sa social media feeling naapi sila ng mga artista.

Actually minsan nga hindi lang akbay ang ginagawa ng iba, sa beywang nga at pwet pa.

Anyway, pinatulan din ni Jessy ang isang follower niya na nagsabing wala nang ibang ginawa si Jessy kundi mag-post ng nakabikini sa kanyang Instagram account. Buwelta ang actress na bida sa pelikulang A Girl in ­Orange Dress, official entry sa gaganaping Metro Manila Film Festival : “unfollow ka nalang, madali lang yun!!”

Good job Jessy. IG account naman ‘yun at ikaw ang may karapatan dun.