Nagplastikanay
Happy Sunday mga KaBisChika! Hugyaw ang mga nilabay nga semana sa among YurEventsAndProductionsTeam kay finally nakoronahan na ang labing bag-o nga Mr.and Ms. Gaisano Grand 2018. Nagtigi ang napulo ka mga gwapa ug napulo usab ka mga gwapo alang sa maong titulo. Ang nahitabo kay para sa pag-select sa TOP 5 kay dapat ihatag nila ang ilang best sa mga pre –activities sa wala pa ang Coronation Day sama na lang sa Talent Competition ug Fashion Run Way segment. Sa Coronation Day kay magtigi na lang sila sa duha ka segments, ang Active Sports Wear ug Formal Wear. Ang napili sa Top 5 mao lang ang pangutan-on sa ilang opinyon pinaagi sa pagpili sa usa ka papel nga adunay nakasuwat nga hashtag nga nakabutang sa bowl. Human niini, magpili na usab og Top 3 ug ang mga judges na mismo ang mangutana. Hugyaw di ba? Ang nakalangkat sa maong titulo kay silang :
2nd Runner Up
Mr. Xavier Antonio ug Ms. Mikaela Kate Mangubat
1st Runner Up
Mr. Clyde Laurido ug Ms. Lara Mae Orbeta
Mr and Ms Gaisano Grand 2018
Mr. Jan Andre Suico ug Ms. Kefaiah Alzair
Congratulations sa tanang winners!
AUDITION ALERT. Karung October 16, Tuesday adunay mahitabo nga audition alang sa mga gusto mahimong parte sa GMA Artist Center Family busa kung ikaw 15 years old and above, male and female ug artistahin ug sa mga aspiring singers nga nag- edad og 4 years old and above , mao na kini ang inyong chance nga mo-shine mao nga pangatak namo sa Books and Brew Café kilid sa Handuraw Pizza, Mango Square Mall, Juana Osmeña, Street beside National Book Store. Ang oras niini , 2:00pm - 5:00pm. Bring Yourself and Dress to Impress!
STAR STUDDED WEEKEND. Karung October 20, Saturday kay magkita usab kita sa atong mga Kapuso diha sa Ormoc kay makauban sa inyong Mother Butanding ang mga Kapuso Stars nga silang Kiko Estrada, Max Collins ug Mike Tan diha sa Robinsons Place Ormoc sa alas singko sa hapon mao nga maglingaw lingaw kita ug makadaug sa mga papremyo nga giandam namo kaninyo! Kita Kits!
KINSA SIYA – Ania na ang inyong paboritong Kinsa Siya???? Kinsa Siya kining duha ka young stars nga best in friendship ang ilang gipakita nga imahe on screen apan kung off cam na gani ang duha kay best in enemy? Hahahhahahaha! Ang BisChika kay mao kini ang duha kay dili dapat mag- abot sa flight, sa van ug sa pagkaon except on stage kung mag-perform na sila. Ang nahitabo ang duha ka young stars kay dapat adunay show, tungod aning dapat dili sila mag abot ang mga working staff kay naglabad ang ulo sa book sa ilang flight o di ba kaha ang pagkuha sa van ug sa pagkaon kay pwede ra man gud unta nga sila usahon nalang gyud. Pero ang nahitabo kay nag-iyahay ang duha ka kampo pero ang ending sa usa ka stage lang sila mag- abot. Pak! Ingon pa sa Kinsa siya insider nga basin ang usa ka young star kay insecure sa usa nga mas lamang man kini sa talent kung hisgutan. Noh? Naa gyud diay aning mga eksena? Pwes kinsa ning duha ka young stars? Bag-o lang nahuman ang ilang teleserye nga sila mismong duha ang bida. Take note, basta ang duha magkuyog taas gyud ang rating!
- Latest