Hugyaw nga birthday gift

CEBU, Philippines — Dili gyud malimtan ni Joshua Garcia ang birthday gift nga iyang nadawat gikan sa special girl sa iyang kinabuhi nga si Julia Barretto.

Kahinumdoman nga gisaulog ni Joshua ang iyang 21st birthday niadtong October 7.

Matud pa sa aktor nga gisuroy gyud siya ni Julia sa usa ka resort sa Bulacan ug ang aktres maoy nigasto tanan.

 “Gusto lang namin mag-relax. Nag-boodle fight kami. Para akong baboy dun, pagkakain namin, tutulog kami dun sa may sofa sa may garden. Tas kakain uli kami. Tapos ang daming dinalang snacks ni Julia mga chocolate,” suma pa ni Joshua.

Kuyog nila niadtong higayona ang igsuon ni Julia nga si Dani ug ang boyfriend niini.

Bea ug Aga sa Cebu karong adlawa!

Makighimamat sa ilang  mga Sugbuanon nga fans karong adlawa   ang sikat nga Kapamilya stars nga sila si Bea Alonzo ug Aga Mulach.

Aduna’y mall show ang duha karong alas 4 sa hapon diha sa Robinsons Galleria –Cebu  .

I-promote nila ni Aga ug Bea ang pelikula nila sa Star Cinema nga  “First Love” diin ang pipila ka mga eksena niini gi-shoot sa laing nasud.

Gawas sa mga bida sa maong pelikula, mohatag usab og kalingawan sa mga Sugbuanon ang mga  DJ  sa MOR 97.1.