Ces umaming biktima rin ng sexual harrassment!

MANILA, Philippines — Umamin si Ces Drilon na minsan ding naging biktima siya ng sexual harassment.

Ito ay base sa kanyang inilabas na statement sa social media kahapon matapos nga siyang kasuhan ni Gretchen Fullido ng libel kasama ang isa pang TV Patrol reporter na si Marie Lozano at news executive na si Venancio Borromeo.

Kasama sina Ms. Ces, Venancio at Ms. Marie sa mga tumestigo sa isinagawang investigation ng ABS-CBN last year kaugnay nga sa reklamong sexual harrassment ni Gretchen, bago pa niya ito dinala sa korte nung isang araw, kina Cheryl C. Favila, former ABS-CBN News Executive, and Maricar P. Asprec, ABS-CBN News Segment Producer.

Pumalag si Ces sa nasabing demanda ni Gretchen na nag-trending sa Twitter kahapon.

At kasabay nga ng resbak niya kay Gretchen ay ang rebelasyon na minsan din siyang nabiktima ng pang-aabusong sekswal.

“It pains me to have to issue this statement because women should support each other especially in an issue like sexual harassment.

“Throughout my life, I have been an advocate of women’s rights and women’s empowerment. As a victim of sexual harassment once before, it is unthinkable for me to say what Gretchen Fullido alleges I did.

“I encourage and support women to exercise their rights to come out with truthful stories of harassment and abuse and I would never belittle any such move.

“I was asked to testify in an internal, confidential investigation into Gretchen’s allegations and some of what I said during the investigation has been distorted.

“I reserve the right to consider legal proceedings against these false allegations and attack on my reputation. Again I would never belittle any woman coming out to speak of any abuse committed against her. It is against everything I stand for as a woman.”

Si Ms. Marie ay wala pang nilalabas na pahayag hanggang sa matapos ang deadline namin kahapon.

Pawang miyembro ng LGBTQ (Lesbian, Gay, Bisexual, Transgender and Queer) ang dalawang ABS-CBN executive na kinasuhan ng sexual harrassment ng TV Patroller na habang sinusulat ito ay hindi pa nagli-leave sa kanyang trabaho sa kabila ng kanyang demanda sa mga katrabaho.

Last year ay nagkaroon ng internal investigation ang nasabing reklamo ni Gretchen kung saan ayon sa isang source ay napatunayan diumano na may gross misconduct kaya pinag-resign si Ms. Favila. 

Feeling ng source hindi na­bigyan ng importance ang nangyari kay Gretchen at pinabayaan lang pagkatapos ang naganap na imbestigasyon.

Anyway, kahit weekend, sabog ang social media sa nasabing kontrobersya kaya humantong sa korte.

Kanya-kanya sila ng simpatya at bashing.

Pero maraming nagbigay ng lakas ng loob kay Gretchen habang tinawag naman stressdrilon si Ms. Ces.

Si Ms. Marie naman ay disabled na ang comment section sa kanyang IG account dahil nga dagsa ang basher.

Dahil sa pinakitang husay, Sarah tumanggap ng gold coin sa Japan

Dahil sa bonggang performance ni Sarah Geronimo sa ASEAN Music Festival 2018, nakatanggap siya ng GOLD Coin sa organizer ng musicfest na ginanap sa Japan. Si Sarah ang official representative ng bansa doon.

Ibig sabihin ng nasabing coin ay bilang pagkilala sa kanyang ipinakitang husay sa nasabing event na nilahukan ng superstar ng iba ibang ASEAN countries.

Congrats Sarah G.