Laing sexy role
CEBU, Philippines — Gibutyag sa aktor nga si Joem Bascon nga mobuhat na sab siya og laing daring role para sa usa ka pelikula. Nasuta nga mag-uban silang Joem ug Tony Labrusca para sa pelikulang Double Twisting, Double Back diin senswal iyang karakter didto. “Daring in terms na physically, mentally, sama mo na pati spiritually. Hindi lang sa mga routine and gymnastics,” ni Joem pa.
Wala pa’y plano
Gibutyag sa aktres nga si Max Collins nga wala pa sila’y plano ni Pancho Magno nga magbaton og anak sa pagkakaron kay daw gusto nila nga andam na gyud sila kun mahitabo na kini. Gikasal ang duha niadtong Disyembre niaging tuig apan hangtod karon wala pa gyud sila’y anak. “Mas gusto namin na nakaplano kasi mahirap when you’re not ready. And at this time, meron pa kaming mga gustong gawin at nagse-settle pa lang kami sa married life,”butyag pa niini.
Wa nadayon og balhin
Nanumbay lang matod pa si Beauty Gonzalez ngadto sa tugkaran sa GMA-7, kini nunot sa naudlot nga pagbalhin niya ngadto sa Kapuso network. Kahinumduman nga nibuto ang balita niadtong Hunyo nga daw nibalhin na sa GMA-7 si Beauty apan nakurat ang publiko sa dihang bida na kini sa upcoming teleserye sa ABS-CBN nga Kadinang Ginto. “Nangangapit bahay lang. Ano ulam diyan? Ganun. Patikim naman ng ulam diyan. Balik uli ako sa bahay ko, tulog na muna ako,”sigon pa sa aktres.
Gitangtang ang mga hulagway
Nanglimpyo sa iyang Instagram photos ang new Kapuso actor Manolo Pedrosa diin gitangtang niya tanang hulagway nga kuha sa didto pa siya sa ABS-CBN. “Marami naman talagang tao, hindi lang artista, mga taong mahilig maglinis ng [Instagram] feed,”pasabot pa niini.
Daghan og nakat-onan
Gipaambit sa bag-ong Kapuso star Kelley Day nga daghan matod pa siyang nakat-onan sa ex-boyfriend niya nga si Inigo Pascual sa unom ka buwan nilang panag-uban. “I learned so much from him. We actually helped each other. Parang na-realize namin we’ve grown and now it’s time to keep growing, and this is the way we’re gonna grow [by going our separate ways],”sigon pa niini.
Gipapahuway sa doktor
Wala nahinayon ang gitakdang concert unta ni Morissette Amon didto sa Capiz human gitambagan sa iyang doktor nga dili una pakantahon ug ipapahuway una iyang tingog. Nagpahibalo si Morissette sa maong impormasyon pinaagi sa social media. Nagpasalamat sab siya ngadto sa mga fans nga nisabot sa iyang kondisyon.
Mao diay!
Gipaambit sa Kapuso actress Gabbi Garcia nga nibiya siya sa programang Sunday PinaSaya tungod kay nipadayon siya sa iyang pagtungha. Apan wala hingpit nga nilaylo sa showbiz si Gabbi sanglit lakip man siya sa bag-ong teleserye sa GMA-7 nga Pamilya Roces ug ang musical-variety show nga Studio 7.
No comment
Nagdumili sa pagkomento ang aktor nga si Ruru Madrid kalabot sa kontrobersiyal nga videos ni Archie Alemania, diin gisungog niini si Juancho Trivino nga daw “smooth sailing” ra kaayo ang relasyon nila ni Maine Mendoza.”Ako naman kasi, ever since, pagka hindi naman ako yung nasa posisyon para magsalita sa mga bagay na ‘yan, hindi talaga ako magsasalita,”sigon pa niini.
Mouli na
Gikatakda na nga mouli dinhi sa Pilipinas si Queen of all media Kris Aquino human nagpatambal didto sa Singapore sa sakit nga iyang nakuha tungod sa sobrang kaguol gumikan sa pinansyal nga problema nga iyang gisagubang gumikan usab sa pagluib. Wala panganli ni Kris kung kinsa kadtong nagbuhat kaniya sa ingon,apan misaad siya nga buhaton niya ang tanan aron matagam kini.
Mensahe sa inahan
Nag-post og makatandog nga mensahe sa Instagram ang komedyanteng si Pokwang para ngadto sa iyang inahan nga si Gloria kinsa naghambin karon og sakit nga Alzheimer. Nag-post sab og throwback photo ang komedyante kauban ang iyang inahan sa dihang nakahinumdum pa kini kaniya. “#TBT 2012 panahon na alam mo pa pangalan ko at nayayakap mo pa ako ng ganito. Panahon na nabibigyan mo pa ako ng payo kapag nasasaktan ako. Iove you nanay Gloria ko,”post pa niini.
- Latest