Albert hindi pa rin ready na magka--girlfriend
Wala na sa plano ni Albert Martinez ang mag-asawa. Year 2015 pa siya nang mabiyuda pero hanggang ngayon, hindi na niya naisip na makakahanap pa siya ng kapalit ng namayapa niyang misis na si Liezel Martinez. “Saka walang time. Sunud-sunod ang ginagawa ko,” sabi ng aktor kahapon sa presscon ng afternoon serye niyang Kadenang Ginto kasama sina Dimples Romano, Beauty Gonzales and Adrian Alandy.
One after the other kasi ang series na ginagawa niya sa ABS-CBN. Like ngayon, aside from Kadenang Ginto, kasama rin siya sa The General’s Daughter na pahinga nga ang taping.
Kahit nga raw mag-date, never niya pang na-try after ng death ni Liezel.
Katuwiran ng actor, bukod sa grieving pa siya, controlling and demanding ang dalawa niyang anak na babae na si Alyanna and Alyssa. “I have two girls (daughters), Alyanna and Alyssa who are very demanding and controlling. So I spend more time with them. So, ‘yun ang palagi kong date, si Alyssa or pag nasa States kami, si Alyanna,” katuwiran ng aktor sa mga kaharap na writer kahapon sa round table interview.
Besides mahirap daw dahil ang tendency ay iko-compare niya lang din kay Liezel dahil 30 years nga silang kasal.
“It’s hard to fill ‘yung shoes ni Liezl. Hindi ganu’n kadali ‘yun. So, in order for me to be with someone again, I have to be deeply in-love with that person or someone na either ka-level ni Liezl or beyond. So, the expectation is so high, the target is so high, kaya mahirap.”
Minsan nang nabalitang may girlfriend ang actor at ang issue pa noon, nahuli raw na binibilhan niya ito ng engagement ring. Pero maging ang mga anak nga raw niya ay hindi ready para sa ganun.
“Hindi pa sila ready, eh. Kasi may lumabas na rumor na actually fake news na I was seen with this girl buying a wedding ring, tapos nakita ko, nag-message si Alyanna, si Alyssa. Hindi pa sila ready. Which is okay lang naman sa akin.
“Because we’ve been married for almost 30 years, so ‘yung buong kinalakihan ko siya, so hahanapin ko ‘yun. ‘Yung qualities niya sa kung sinumang darating sa buhay ko.
“But then again, I’m not closing my doors but for now, hindi ko siya hinahanap. Pag mangyayari, mangyayari. Ibig sabihin, kung soulmate mo, di ba? It’s God-given.
“Parang mahirap kasi pumasok sa isang relationship tapos trial and error lang pala. I’m too old for it, and then, I want to protect my family and my kids also. Kasi commitment na bago ‘yun,” mahabang paliwanag pa ng aktor.
Anyway, ang Kadenang Ginto ang papalit sa magtatapos bukas na Asintado.
Kasama rin dito sina Andrea Brillantes at Francine Diaz sa direksyon ni Jerry Lopez Sineneng. Mapapanood ito sa Lunes, October 8 sa Kapamilya Gold, after It’s Showtime.
- Latest
