Morisette nataypan sa Asia Song Festival

CEBU, Philippines – Si Morissette Amon gihapon ang representante sa Pilipinas  sa Asia Song Festival ug mao na kini ikaduhang higayon nga nahimong kabahin ang singer sa maong prestihiyosong kalihokan.

Nasayran nga gihangop pag-ayo ang pagkanta  ni Morissette sa maong kalihokan  sa miaging tuig   ug mao kini ang rason nga nakahukom ang mga organizer nga pabalikon siya og kanta karong tuiga.

 “She was unanimously chosen again by the committee after her performance last year went viral worldwide and garnered the most number of likes on the popular Korean online streaming site V-Live,” suma pa sa usa sa mga organizer  nga si Gunwon Shin  nga namantala sa abs-cbnnews.com. 

 Sa Asia Song Festival sa miaging tuig,  gikanta ni  Morissette  ang awit sa Little Mix nga “Secret Love Song” ingon man usab ang medley sa “Best of My Love” ug  “Emotion”, nga trending kaayo sa social media.

Nagpusot-pusot ang  grasya nga nadawat sa singer karong tuiga. Kahinumdoman nga siya ang napili nga Female Concert Performer of the Year sa  2018 Star Awards for Music ug sold out usab ang   iyang concert nga “Morissette is Made, sa  Araneta Coliseum, Cebu, Davao ug  Dubai.