Inigo magpapalit ng kurso para makasama sa school si Maris

Nagbabalak si Inigo Pascual na magpalit ng kursong kinukuha sa kolehiyo. Mula sa Business program ay plano umano ng anak ni Piolo Pascual na kumuha ng music production. “I’m switching courses. Actually, same course kami ni Mamameh (Maris Racal). We might go to the same school. We’re gonna do music production. Hopefully, this coming semester makapasok kami,” bungad ni Inigo.

Malapit sa puso ng binata ang musika dahil bukod sa pag-awit ay nakasusulat din ng mga kanta si Inigo. “I really wanted to do business. I mean it’s something that my dad does so I wanted to learn as well. Pero naisip ko ano ba talaga ‘yung gusto kong gawin? Siyempre my dad has Spring Films. Sabi ko I wanna make something like Spring Record. I wanna learn this stuff and be able to make music. Palawa­kin pa ‘yung pwede kong gawin. ‘Yung pag-iisip ko in terms of creating songs, creating music. So naisip ko why not study it and dive into it and immerse myself in the music scene not as a celebrity, not as a signed artist but as a student in the production side of things,” paliwanag ni Inigo.

Suportado naman daw ni Piolo ang pagpapalit ng anak ng kurso. Ayon pa kay Inigo ay posibleng mag-enroll din ang ama at kumuha ng isang short course.

Samantala, nagsisilbing inspirasyon sa baguhang aktor si Jodi Sta. Maria dahil napagsasabay ng aktres ang pagtatrabaho at pag-aaral. “Kasi ako for two years I stopped school and then I realized I wanna study and learn more things no matter how busy you are. Si ate Jodi nga, she’s studying Psychology and she’s working at the same time. So things like that nakaka-inspire kasi pwede pala. Pwede mong gawin kung gugustuhin. Kung gusto may paraan,” giit ni Inigo.      

Jaya excited salubungin si Regine

Excited na si Jaya sa napababalitang paglipat ni Regine Velasquez sa ABS-CBN. Malapit na magkaibigan ang dalawa kaya naman ikinatuwa ni Jaya ang muli nilang pagsasama sa isang bakuran at sa Kapamilya network na ngayon. “I’m very excited for her because kahit ang tagal-tagal na niya sa business, she’s still willing and always open for many different things. I’m excited to see the new things that are about to unfold,” nakangiting pahayag ni Jaya. Suportado umano ng Soul Diva kung ano man ang mga gustong gawin ng Asia’s Songbird sa mga susunod na buwan.  “You know my friends in the business for so long, she can do whatever she want. She can sing whatever she wants to sing,” pahayag ni Jaya.