Andam na magpakasal

CEBU, Philippines — Andam na si Carla Abellana nga mopaso paingon sa altar sa kaminyoon kauban ang iyang uyab nga si Tom Rodriguez.Matud pa ni Carla nga nahisgotan na nila ang maong butang apan wala pa nila mahisgoti ang petsa niini.

Most Beautiful Woman

Gideklara  sa aktor nga si  Matteo Guidicelli  nga “most beautiful woman” ang iyang girlfriend nga si Sarah Geronimo.  Gilenggua kini sa Sugbuanong aktor atol sa ABS-CBN Ball niadtong Sabado sa gabii. Kanunay nga nakapahiyom  si Matteo kung si Sarah ang iyang kauban.

Excited kang Regine

Tsika pa ni  Jaya  nga isip suod nga higala ni  Regine Velasquez, iyahang ikalipay  kun unsa ang plano sa sunod nga move alang sa career niini. Naabot kang Jaya ang balita nga mobalhin sa ABS-CBN ang iyang higala busa dako gyud og purohan nga makatrabaho niya kini og balik butang nga iyang gikahinaman.

Mo-eskwela og balik

Target ni Inigo Pascual nga mokuha og short course  nga  music production.  Matud pa sa singer nga ganahan siya nga mapalapdan pa ang iyang kaalam sa musika.   Malipayon siya sanglit suportado ra siya sa iyang amahan nga si Piolo Pascual.

Suportado ni Kris

Mapasalamaton si Katrina Halili ngadto sa iyang kanhi hinigugma nga si Kris Lawrence gumikan kay wala gyud pasagdi ang obligasyon niini ngadto sa ilang anak.  Matud pa niya nga kanunay nga moduaw si  Kris sa ilang anak ug motunol usab kini og financial support.

Hiyas sa Ormoc

Nagpanikad na si Richard Gomez sa mahimong output  sa pelikula nila ni  Sharon Cuneta  nga “Three Words To Forever”  gumikan kay ipakita gyud niini ang  mga hugyaw nga lugar sa Ormoc kun diin nagsilbi siya isip mayor.   Pipila niini naglangkob sa mga beach, pineapple plantation, lake ug uban pa.

Iya mobalik sa Chika Minute

Mobalik na karong October 8, Lunes, si Iya Villania isip  host sa “Chika Minute” sa 24 Oras sa GMA-7.  Suma pa ni Iya nga excited na kaayo siya sa pagbalik sa maong programa. Kahinumdoman nga nipahuway siya og pipila ka buwan niini human niya gihimugso ang ikaduhang anak nila ni Drew Arellano.

Tsugion?

Niulbo karon ang tsismis nga matud pa wagtangon ang karakter ni Alice Dixson sa seryeng  Ngayon at Kailanman. Usa sa nitumaw nga taho nga wala mauyoni si Alice sa uban niya nga trabaho sa maong serye. Tak-om  lang si Alice kalabot sa maong taho.

Daghan og giagian

Aminado si Sharon Cuneta nga  duna gyu’y mga panahon nga wala  gyud tagda ang iyang career.  Apan wala gyud mo-surrender ang singer ug padayon lang siya sa pagkanta  hangtud nga gikagat siya og balik sa publiko. Makapila na nga higayon nga nahilom ang iyang career apan wala gyud  ka-feel og kapoy  ang singer sa pagbangon og balik sa iyang career.

Loisa napungot

Napungot pag-ayo si Loisa Andalio sa lenggua sa pipila niya ka bashers nga matud pa kasal na lang ang kulang nila ni Ronnie Alonte tungod sa nagpungasi nila nga relasyon.  Nasayran nga wala gyud siya lung-i sa iyang bashers kinsa wala kauyon sa giingong relasyon nila ni Ronnie.