Jasmine mialma sa bashers
CEBU, Philippines — Kanunay nga biktima sa “body-shaming “ sa social media si Jasmine Curtis-Smith ug daghan ang motawag kaniya og anorexic.
Gitataw ni Jasmine nga wala siya’y eating disorder ug dili pud grabe ang iyang kaniwang busa nahibulong siya nga duna gihapo’y manaway kaniya.
“That’s a bit harsh. For me, I personally know friends na pinagdaanan yun, so sana mag-ingat yung mga tao bago magsalita,” saysay pa ni Jasmine sa interview niya sa GMA NewsTV news program nga Balitanghali .
Gipasalamatan sa aktres ang mga tawong nidepensa kaniya.
“Thank you for everyone that likes the photo and for the people that appreciate my body now. It helps a lot if we can just uplift each other talaga.Di ko naman inaasam na maging viral, maging sikat, maging ganyan, happy lang ako na may trabaho ako,” dugang pa ni Jasmine.
Mga mananaog sa Mutya
Gikoronahan na niadtong Domingo sa gabii ang bag-ong naghupot sa nagkadaiyang titulo sa Mutya ng Pilipinas nga gipahigayon sa Newport Performing Arts Theater sa Resorts World Manila.
Nasayran nga nitungtong na sa ilang ika-50 ka tuig ang maong prestihiyosong indigay.
Kesha Ramachandran (Mutya ng Pilipinas-Tourism Queen of the Year International 2018), Pauline Amelinclx (Mutya ng Pilipinas-Global Beauty Queen 2018), Aya Fernandez( Mutya ng Pilipinas-Tourism International 2018) ug Sharifa Akeel (Mutya ng Pilipinas-Asia Pacific International 2018)
Samtang napili nga first runner up mao si Mary Justine Teng ug second runner up usab si si Kristine Micah Malicsi.
Nalangkat usab ni Jade Roberts ang titulong Mutya ng Pilipinas - Overseas Community 2018.
- Latest