Motan-aw ra

CEBU, Philippines — Gitataw ni Kathryn nga gipangandaman gyud niya ang  iyang schedule karong Oktubre 13 gumikan kay motambong siya sa major concert sa iyang uyab  nga si Daniel Padilla sa Araneta Coliseum. Giklaro sab niya nga dili siya mo-perform gumikan kay magpabilin siya nga usa sa mga audience sa maong concert.

Dili pa andam

Gitug-an ni Alex Gonzaga sa show ni Vice Ganda nga “Gandang Gabi Vice”, nga dili pa siya andam nga mopaso paingon  sa altar sa kaminyuon  bisan pa man nga blooming kaayo ang iyang lovelife karong panahona. “Hindi pa sa ngayon, Sa kaniya (gipasabot ang boyfriend nga si  Mikee Morada) lang ako magiging handa”, suma pa ni Alex.

“Lumang tugtugin”

Gilusad na sab ni Iñigo Pascual ang iyang bag-ong single nga nag-ulohan og “Lumang Tugtugin.” gani  nahitabo niadtong Domingo sa ASAP stage  ang first performance niya sa maong awit ug  naatol kini  sa iyang ika-21 nga adlaw’ng natawhan.

Unta mao na

Giampo na lang ni Megastar Sharon Cuneta nga unta nga ang French filmmaker-businessman nga si Pierre Emmanuel Plassart ang lalaki nga makadayon  sa iyang anak nga si KC Concepcion. Suma pa ni Megastar nga adunay kagahapon  ang duha niadtong lima ka tuig na ang nakalabay apan nagbuwag lang kini tungod sa distansiya. Dakong kalipay ni Megastar nga nagbalik ang maayong relasyon sa duha ug nanghinaot siya nga mao na unta kini ang pakaslan sa iyang anak puhon.

Pahuway o gi-bash?

Tsika pa ni Janine Gutierrez nga gi-deactivate niya ang iyang Twitter account aron nga makapahuway siya og tarong . Matud pa niya nga  kanunay na lang nga mao kini ang iyang unang buhaton sa matag higayon nga bakante ang iyang oras. Gani, miulbo sab ang hungihong nga maong gi-deactivate sa aktres ang iyang account tungod kay napuno na kini sa pagsaway sa mga netizen. “Pahinga lang po muna. Kasi parang natatakot ako na baka maniwala na ako dun sa mga sinasabi ng ibang tao.”, depensa pa ni Janine.

Nibalibad sa tanyag

Usa sab ang Makati City First District Representative nga si Monsour del Rosario nga kanhi action star ug Taekwondo expert nga gitawagan sa kampo sa FPJ’s Ang Probinsyano aron maghimo og comeback appearance human sa 33 ka tuig nga pagpahuway sa showbiz. Gani, gibalibaran na kini niya sa makaduhang higayon tungod kay wala siya kauyon sa karakter nga gitanyag ngadto kaniya. Mipasabot sab si Monsour  nga puro adunay kalabutan sa sindikato ang gitanyag nga karakter ngadto kaniya. “Alam niyo, kung hindi ako congressman, I don’t mind playing bad guy dahil hindi ako choosy. Being a public servant, you have a responsibility of having your image known to people”, esplikar ni Monsour.

Dili pa diay

Gihimakak ni Sunshine Cruz nga matud pa engaged na silang duha sa half-brother ni Ara Mina nga si Macky Mathay. Daghan ang nakiusyuso human nga milugwa ang hulagway sa duha kun diin  makita nga nagsul-ob og singsing ang aktres. Diretso nga gitubag ni Sunshine ang mga netizen nga dili pa sila engaged

Para sa broken hearted

Karong Oktubre 3 na gyud mapasalida ang pelikula nga gibituonan nila ni Yassi Pressman, Shy Carlos, Louise Delos Reyes, Marco Gumabao ug Sam Concepcion nga “Para Sa Broken Hearted”. Ang maong istorya gibase kini sa best-selling novel ni Marcelo Santos III. Ubos kini sa direksyon ni Digo Ricio.

Wild and free

Napagawas na sa miaging adlaw ang full trailer sa Regal Entertainment film nga bidahan nila ni Derrick Monasterio ug Sanya Lopez nga “Wild And Free”. Mao kini ang unang higayon nga magkauban ang duha sa usa ka proyekto. Gani, medyo sexy ang tema sa maong pelikula.