Work and Play
Sunday kay BisChika Day! Mao nga panukad na kay this is it! Usa kahugyaw nga mga chesmes na usab ang atong hisgutan karung Domingoha. Pero sa dili pa ang tanan, very happy ang inyong Yur’s truly kay tungod sa atong #BuhayTalent nakatikang ang akong beauty sa nindot kaayo nga Chocolate Hills sa Carmen, Bohol ug sa Pamplona, Negros Oriental. Naka-relax gamay bisan og trabaho ang giadto, ang importante nakahanggab ka’g presko nga hangin unya sa Pamplona makakita ka’g mga katubohan, dakong hawan nga basakan ug labaw sa tanan mga abi-abihon nga katawhan. Pakpak! Mao nga sa sunod balik nako aning mga lugara dili lang usa ka adlaw pwede na mag-overnight ang beauty!
Nalingaw usab ko niaging semana sa akong mga Angkas moment o ang pagsakay sa motor tungod sa mga commitments nga dili ka gusto ma late. Kay as much as possible mas okey nga ako ang maghuwat kaysa ako ang huwaton sa kliyente. Mao nga go na sa Angkas ang beauty. Gikan sa pier derecho ko sa Indiana Aerospace University kay usa ko sa mga hurado sa ilang Mugna- Variety show usa sa mga highlights sa ilang Intramurals 2018. Ang mugna Variety show adunay Singing Contest, Mash up Cultural and Modern Dance Competition ug ang Search for Mr. Wacky University 2018.
Sa Singing Contest adunay unom ka mga contestants ug ang nigawas nga mananaug kay silang : Champion - Jade Toston;1st placer - Rafael Dwight Montalban; 2nd placer - Phoebe Olores
Para sa Mash Up Cultural and Modern Dance Competition adunay lima ka grupo ang nagtigi ug join forces ang mga estudyante, faculty, college professors ug school administration sa maong indigay ug ang mga mananaug kay ang: Champion: Group 5; 1st Runner Up: Group 1 (AMT 1); 2nd Runner Up: Group 3 (AM 1).
Nagtigi usab ang 10 ka mga contestants para sa Search for Mr. Wacky University, dili lang sa ilang ka gwapo, maayo manubag sa mga hugyaw nga pangutana apan kun dili ang ilang pagkasiaw nga makalingaw ug nakakainlove! Pak na Pak!
Mr. Wacky University - Jhaliel Tangoan; 1st placer - Louis Bryand Delicana; 2nd - Jemel Ebuña
Congratulations sa tanang mga winners! Salamat usab kaayo sa Indiana Aerospace University sa imbitasyon!
- Latest
