Birthday message
CEBU, Philippines – Nipadala si Barbie Imperial og sweet birthday message alang sa aktor nga si JM de Guzman kinsa leading man niya sa seryeng Araw Gabi. “Salamat dumating ka sa buhay ko. Maligayang kaarawan sa iyo, Juan Miguel,” mensahe pa ni Barbie alang kang JM.
nag-enjoy sa career
Tsika pa ni Jake Cuenca nga nag-enjoy ra siya sa iyang mga proyekto busa wala gyud masulod sa iyang hunahuna nga mosulod og balik sa usa ka relasyon. Kahinumduman nga modelo ang katapusang nauyab sa aktor apan wala kini nagdugay.
Nganong absent sa showtime?
Busy si Vhong Navarro sa iyang mga show sa Amerika hinungdan nga taod-taod na kini nga absent sa It’s Showtime. Nasayran nga giatngan pag-ayo si Vhong sa iyang fans didto sa Las Vegas ug New York.
Miduaw sa fan
Giduaw ni Inigo Pascual sa hospital ang fan niya nga duna’y sakit nga leukemia. Emosyonal ang iyang fan pagkakita sa iyang idolo ug wala siya nagdahom nga gigahinan siya og oras niini.
Motabang og retouch
Giangkon ni Vina Morales nga moduaw gyud siya kanunay sa iyang negosyo nga salon ug duna’y mga panahon nga siya ang mangunay og retouch sa ilang kliyente. Nasayran nga ubay-ubay na ang mga branch sa iyang negosyo.
Kisses ug donny
Molugwa ang tandem nila ni Kisses Delavin ug Donny Pangilinan sa primetime series sa ABS-CBN nga Play House . Ang maong serye pagabidahan nila ni Zanjoe Marrudo ug Angelica Panganiban.
Sunshine nanganak na
Nanganak na si Sunshine Garcia niadtong Lunes ug usa kini ka lalaki. Si Bulacan Board Member Alex Castro ang amahan sa maong bata. “Welcome to the world our little Castro Thank you sa lahat ng nag-pray at nag-message para sa safe delivery ni Shine,” suma pa sa IG post ni Alex.
Magpa-relax sa Ormoc
Target nila ni Daniel Padilla ug Kathryn Bernardo nga mobakasyon sa Ormoc City. Ganahan mag-relax ang duha human nagmalampuson ang pelikula nila nga The Hows of Us nga mikita na og kapin sa P500 million. Plano usab ni Daniel nga dalhon si Kathryn sa Kalanggaman Island.
Nag-agi og depresyon
Giangkon sa kanhi sexy actress nga si Klaudia Koronel nga nakaagi gyud siya og grabeng depresyon human sila nagkabuwag sa iyang bana nga Chinese businessman. Kahinumduman nga nagpakasal sila niadtong August 28, 2009. Naabot sa punto nga wala na siya kahibalo sa iyang buhaton.
Mi-perform sa subway
Puwerting lipaya sa kanhi Little Big Star contestant ug 13th World Championships of Performing Arts two-time winner nga si Rhap Salazar gumikan kay sa labing unang higayon, naka-perform siya sa subway sa London. Gikanta niya ang Stay With Me ni Sam Smith.
Shawie emosyonal
Nakahilak si Sharon Cuneta sa unang rehearsal alang sa iyang umaabot nga 40th anniversary concert. Mapasalamaton si Sharon sa tanang suporta sa iyang fans nga iyang nadawat sulod na sa taas nga katuigan hinungdan nga niabot gyud siya og 40 ka tuig sa industriya.
- Latest