Mag-direktor

CEBU, Philippines — Mipakita og interes ang anak ni Richard Gomez nga si Juliana Gomez nga sudlon ang kalibutan sa showbiz apan dili isip artista apan isip usa ka direktor. Tambag pa ni Richard ngadto sa iyang anak nga kinahanglan nga magsugod na kini sa pagtuon sa maong buhat. "Sabi ko nga sa kanya, kung 'yun talaga ang interest mo, as early as now, mag-start na from the basics. Tapos if that's what you really want, pwede naman kitang iwan sa isang set, pag-aralan mo muna 'yung director, para may feel lang siya”,suma pa ni Richard.

Rhed naglisod

Giasoy sa kanhi child actress nga si Rhed Bustamante nga dili gyud lalim ang kahimtang sa iyang pamilya karon nga wala na siya’y nadawat nga mga proyekto. Matud pa ni Rhed nga gipalayas sila sa ilang giabangan kaniadto ug nagbalhin-balhin na lang og gipuy-an. Aron nga makasugakod sa inadlaw-adlaw nga panginabuhi, gitabangan og paninda ni Rhed ang iyang inahan og mga pagkaon sa PNR train station. Gawas niana, aduna say gihambin nga kondisyon ang aktres nga mao ang sakit sa panit nga ‘incontinentia pigmenti’ nga kun dili pa kini matambalan, mahimo kini niya nga ikamatay.

Mrs. Universe Philippines

Mipatigbabaw gyud ang kaanyag sa aktres ug businesswoman nga si Patricia Javier human niya nalangkat ang titulo nga Mrs. Universe Philippines 2019 niadtong Septiyembre 8 sa Newport Performing Arts Theater. Usa si Patricia sa 20 ka mga maanyag nga mga inahan nga nakigtigi alang sa korona. Si Patricia mao ang kandidata sa nasud alang sa umaabot nga  Mrs. Universe 2019.

Libreng edukasyon

Bag-ong adbokasiya sa Pinoy international artist nga si Apl De Ap mao ang pagtabang sa creative Pinoy students. Giabagan ni Apl ang Thames International school, British School Manila ug Department of Trade and Industry aron nga mahatagan og igong suporta ang mga tinun-an nga adunay dakong pagmahal ug interes sa creative industry. Alang sa singer, dakong tabang na usab ang makahatag og libre nga edukasyon sa mga kabataan nga aduna gyuy pangandoy sa kinabuhi. Kasamtangang aduna nay 20 ka scholar si Apl sa Innovation and Creative Enterprise.

Mag-una ang GMA

Gi-enjoy na lamang ni Valerie Concepcion ang iyang pagka-freelance actress. Suma pa ni Valerie nga adunay higayon nga mag-ilog ang duha ka estasyon sa iyang appearance. Gitug-an niya nga mas daghan na siya og nahimo nga proyekto sa Kapuso network gumikan kay mao gyud kini ang mag-una sa pagduol kaniya.

Millenial Film

Gi-release na sa Youtube Channel sa Spring Films ang labing unang teaser sa umaabot nga millennial film nila ni Maris Racal ug Inigo Pascual nga “I’m Ellenya L”. Usa ka vlogger ang karakter ni Maris ug si Inigo mao ang supportive niya nga higala nga mao usab ang iyang videographer. Mao kini ang labing una nga movie project sa duha ug ubos kini sa direksyon ni Boy-2 Quizon.

Gipanguyaban og balik

Nagkalig-on  og maayo ang relasyon nila  ni Vin Abrenica ug Sophie Albert  bisan pa man nga duna sila’y mga pagsulay nga naagian kaniadto.  Kahinumdoman nga nagkabuwag sila niadtong 2016 apan nagbalik human sa taas nga panahon. Tsika pa ni Vin  nga gipanguyaban niya og balik si Sophie ug dakong kalipay niya nga gidawat siya pagbalik niini.

Alang sa supporters

Usa ka bag-ong kanta ang gimugna ni Rey Valera alang kang Megastar Sharon Cuneta kinsa nagsaulog karon sa kasumaran sa  iyang upat ka dekada sa showbiz. Sa Magandang Buhay kagahapon, dungan nilang giawit ang bag-ong kanta  ug gihalad kini ni Shawie alang sa iyang supporters. Dako ang pasalamat ni Sharon ngadto kang Rey gumikan kay mao kini ang nagmugna sa gipasikat nga kanta kaniadto nga Mr. DJ.

Nagdaginot

Giangkon ni  Ice Seguerra nga usa gyud siya sa mga artista nga nagdaginot karong panahona. Gani, usa ra ka barong ang iyang sul-ubon kun aduna siya’y show. “Yun naman parati ang outfit ko, tipid ako eh. 'Yung barong ko kasi isa lang. Kapag may show na kailangan ng barong 'yun at 'yun din ang sinusuot ko. Malaki na nga ang kinita ng barong na 'yon”, suma pa ni Ice.

Gusto mag- abogado

Giangkon sa Onanay star nga si Jo Berry nga pangandoy niya ang mahimong usa ka abogado . Nasayran nga computer science ang iyang gikuha nga kurso niadtong kolehiyo siya  apan kalit lang nausab ang dagan sa iyang huna-huna karong panahona. "Iniisip ko rin kung ano muna 'yung in the demand. So, iniisip ko muna kung saan ako magiging practical kasi gusto ko makatulong sa parents ko. Eh, 'yung pagiging abogado, mag-aaral ako ng mahaba pang panahon", suma pa ni Jo.