Pagrampa ni Catriona gipistahan

CEBU, Philippines — Trending topic karon sa social media ang nahitabong pagrampa ni 2018 Miss Universe Philippines Catriona Gray sa 2018 New York Fashion week. Lakip si Catriona sa mga giimbitar sa maong fashion show nga nagpakita sa bag-ong collection ni Sherri Hill.

Gitabangan og away

Napuno og pagsaway ang Kapamilya hunk actor Jake Cuenca human kini nag-tweet nga daw mas maayo pa nga motan-aw ang mga Pilipino sa historical film Goyo nga gibidahan ni Paulo Avelino kaysa motan-aw sa romantic comedies. Nasayran nga kasamtangang gipasalida ang pelikula nga   The Hows Of Us nga gibidahan nila ni  Kathryn Bernardo ug Daniel Padilla. Gipapas ni Jake ang maong tweet ug nangayo og pasaylo.

Jake Zyrus ang gisunod

Giasoy sa aktres nga si Meg Imperial nga dili ingon ana kadali alang kaniya ang pagdala sa role isip tomboy sa pelikulang Abay Babes. Nag-research matod pa siya aron matarong niya og dala ang maong role. Usa si Jake Zyrus sa iyang gitan-aw aron makahibalo sa lihok sa usa ka tomboy. Ang maong upcoming film kay ubos sa direksyon ni Don Cuaresma.

Natuman ang gusto

Nagmalamposon ang nahitabong disco-themed debut party ni Juliana Gomez, anak nilang Richard Gomez ug Lucy Torres. Nahitabo kini niadtong Sabado didto sa Bench Tower, Bonifacio Global City, Taguig. Malipayon si Juliana kay natuman gyud iyang gusto nga dili magsunod og traditional nga debut party kun dili lingaw-lingaw lang nga wala'y gisunod nga proseso. Nag-trending sa social media ang maong selebrasyon.

Dili affected

Gibutyag sa Hashtags member Zeus Collins nga dili ra siya apektado sa kanunay'ng pag-link niya ngadto sa komedyanteng si Vice Ganda, kinsa kauban niya sa programang It's Showtime! "Tinatawanan lang namin, parang sinasabi lang sa amin ni Ate Vice na, 'Hayaan niyo na lang. Wala namang mapapala kung papansinin nyo.' Wala naman kaming ginagawang masama,"sigon pa ni Zeus.

Gitubag ang netizen

Gitubag sa singer/composer nga si Ogie Alcasid ang usa ka netizen kinsa naghatag og malisya sa hulagway nila sa ex-wife nga si Michelle Van Eimeren nga kuha sa pagbakasyon niya didto sa Australia kauban ang anak nga si Leila. "Love is what keeps this world revolving and if we keep this in our hearts, it would be a better place. Try it Kapatid and all pain and anguish will be gone. God bless you," paghot pa sa singer.

Nag-away sa set

Gikumpirmar sa sexy star Roxanne Barcelo nga aduna gyu'y nahitabong panagbangi tali nilang tulo Nathalie Hart ug Meg Imperial atol sa  shooting sa gibidahan nilang pelikula nga ‘Abay Babes’. Apan giklaro niya nga nahilot na ang wala nila pagkasinabtanay. “Naging professional kami and eventually, we all became—walang kiyeme, mamatey, mategi man—naging magkaibigan kami after,” asoy pa sa sexy actress.

Mosuporta ni Dong

Dili matod pa magduha-duha og suporta ang aktres nga si Marian Rivera kon ugaling mosulod og politika ang banang si Dingdong Dantes. Pabiling gipaabot sa fans ni Dingdong  ang  iyang reaksyon  sa maong taho.

Nagmalampuson ang negosyo

Mapasalamaton ang Kapamilya singer/actress Vina Morales ngadto sa mga suki niyang kliyente tungod sa wala'y puas nga pagsuporta niini sa iyang 20 ka tuig na nga  salon nga Ystilo .  Kauban ni Vina sa pagpadagan sa maong negosyo mao ang iyang mga igsoon nga silang Shaina, Sheryl ug Sheila Magdayao. Sa pagkakaron, aduna na kini  20 ka branches nationwide .

Congratulations Daniel!

Nigradwar sa iyang doctorate degree sa Humanity major in Social Work ang Japanese-Brazilian actor-model nga si Daniel Matsunaga didto sa Brethren Evangelical School of Theology. Nagpasalamat ang aktor ngadto sa mga tawo nga nisuporta sa  iyang pagtungha. "I am very honored to be the recipient of such an amazing award. I just want to thank God for everything He has done in my life," tipik sa social media post sa aktor.

Magkauban kaha?

Gipaambit sa Sugbuanong aktor nga si Matteo Guidicelli nga dili pa gyud final nga magkauban ba gyud sila sa girlfriend nga si Sarah Geronimo sa pagtambong sa first ever ABS-CBN Ball karong September 29. "I guess 75%, 85% chance. We will see," sigon pa sa aktor atol sa pakighinabi kaniya sa DZMM.