Time to shine, queen

 CEBU, Philippines — “It’s your time to shine queen, God is with you”. Mao kini ang mensahe nga ipadangat kanunay sa kaugalingon sa  19 -anyos nga si Richelle Ann Malunhao sa higayon nga motungtong na siya sa entablado.

Si Richelle   maoy naghupot sa titulo nga Miss Cordova Ecotourism 2018.

Lumad gyud  siya nga taga Cordova busa dakong kalipay ang iyang gibati  sa  kahigayunan nga makaangkon og korona nga gikan gyud sa lugar kun diin siya nagtubo.

“I am beyond blessed and overwhelmed that I was chosen to hold the crown this year. It was an honor and privilege as a Cordovanhon to be part of the history. It was a dream come true experience that I will never forget. I am very thankful to the people who are behind this success”, padayag pa ni Richelle.

Mao kini ang ikalimang korona nga naangkon ni Richelle sukad siya miapil og beauty pageant.

Nagsugod og pag-apil og beauty pageant si Richelle niadtong first year high school pa siya.

“Nahadlok gyud ko unya kay mauwawon pa gyud ko ato that time (high school). Wala man gud koy background of being a beauty queen ug wala sab ko magka-undergo og any training. I just did it myself”, suma pa niya.

Pakyas man siya sa unang pagsalmot sa maong indigay apan wala kini mipugong kaniya aron dili na mosalmot pagbalik.

“Bisan disappointed ko ato nga time pero nakakuha ko og lesson ato to strive harder; to not give up easily, better days are coming”,  matud pa niya.

Gani, mas madasigon sab siya nga mopadayon sa maong buhat gumikan kay lig-on nga misuporta ang mga nagpaluyo kaniya nga mao ang iyang inahan ug ang iyang mga magtutudlo sa high school.

Tungod niini, gipadayon niya ang pagsalmot ug karon buot ug tuyo niya ang makalangkat og mga nagkadaiyang dagkong titulo sa mga lugar nga iyang masalmutan  puhon.

Gibutyag ni Richelle nga ang pagka-beauty queen maoy usa sa iyang mga damgo sukad pa niadtong bata pa lang siya.

Bisan og wala siya makasuway og training, gihimo niya nga inspirasyon ang mga kandidata sa Miss Universe. Suma pa niya nga atangan gyud niya kini gumikan kay makahatag kini og tips kaniya pinaagi sa pag-obserba sa mga nirampa nga  kandidata.

Ang tanang makat-unan ni Richelle maoy iyang i-apply sa mga pageant nga iyang pagasalmutan.

Tungod sa mga indigay nga iyang nasalmutan, nakaangkon na siya og igong kompyansa sa iyang kaugalingon kun itandi  sa labing unang pagsalmot niya sa maong buhat.

Karon nga nagsugod na og pamundo si Richelle og mga titulo, buot sab niya nga tapuson ang iyang pagtungha sa kolehiyo.

“I stop studying tungod sa financial problems. I am seeking for a job to pay my remaining balance to continue my degree ug para sab nga makatabang ko sa akong parents. Kung makahuman ko og skwela puhon, I want to give them a comfortable and a better life. And I want to be a successful teacher someday in God's glory”.

Q and A

BNH: Unsa ang lisod nga kaagi nimo sa imong kinabuhi?

RICHELLE: Gipadako ko sa akong grandparents kay dili ka-support akong biological parents financially.  Lisod nga magdako sa apuhan kay masuya ko sa akong mga classmates usahay nga anaa gyud sa nagpuyo kuyog ilang parents. But I am still thankful to have a one of a kind grandparents for raising me as a good person as I am now.

BNH: Unsa ang imong mga gikahadlukan og naa ka on stage?

RICHELLE: Sa tinuod lang, when I am up on stage, I have these shaky legs and I am very nervous. Paspas kaayo ang beat sa akong heart pero thankful ko nga God is with me. Have that little amount of courage because there is something more beyond those fears.

BNH: At some point in your life, maka-feel ka og insecurity sa imong co-candidates?

RICHELLE: Naa sab. Which is the fact that they have angelic face and a flawless skin kaysa nako. Pero wrong gyud na, dapat nako nga i-embrace ug i-love akong imperfections. What matters most is acceptance.