Frozen Delight
Hapit na gyud ang Pasko mga KaBisChika! Naa na ko’y nadunggan nga Christmas songs sa radyo ug ang among silingan nagsugod na og kanta niini. Murag panahon na pud ni Jose Marie Chan, mao nga whenever I see boys selling lanterns on the street, pasko na! Pwes, ang GMA Network dunay early Christmas gifts para sa mga Kapusong Cebuano kay karung adlawa si Mr. HammerMan, ang nag-inusarang gimahal nako (char!) Victor Magtanggol, nga si Alden Richards mobisita para sa usa ka Kapuso Mall Show. Panukad na kay dili lang usa apan duha ka mall ang iyang adtuon.
Sa mga Kapusong Carcaranon, unang mobisita si Alden Richards sa Gaisano Grand Carcar. Magsugod ang kalingawan alas tres sa hapon, manghatag ang inyong Kapuso Network og mga prizes sa mga moapil sa mga paduwa. Naa pud ang Disco Remix Dancers nga mopainit sa dance floor! Good news, makauban usab ni Alden silang Janine Gutierrez, Pancho Magno, Andrea Torres ug Dion Ignacio. Di ba? Excited kaayo? Apan kun layo kaayo para ninyo ang Carcar City, Cebu dili maguol kay anaa pa sila’y usa ka mall nga bisitahon ug didto ko maghuwat sa cast sa Victor Magtanggol, ang Gaisano Fiesta Mall Tabunok. Siyempre, maglingaw lingaw usab kita sa mga pa-games nga among giandam para sa mga kapuso nga naghuwat sa mga kapuso stars nga naa pa sa Gaisano Grand Carcar.
Exciting kaayo kini mga KaBisChika kay libre ang maong pasundayag, basta mosayo ka sa venue pwede ka makalingkod sa atubangan. Kun moapil ka sa games, bisa’g pildi ka kay duna gyud kay bitbit nga mga gasa gikan sa GMA-7!
Kun adunay malipay apan duna usab naglagot panukad na kay ania na ang KINSA SIYAAA? Usa ka talent manager nga naglagot sa usa ka movie outfit kay ang iyang alaga gihimong frozen delight??? Usa na daw ka tuig ang nilabay usa lang ka show ang nadawat sa iyang alaga. NaHugyaw siya kay kuhaon unta ang iyang alaga pero himuon lang partner sa artista sa ilang kompaniya. Unya mas nitingkag pa ang dunggan sa manager kay ang TF mura’g pang extra lang????Hahahahhahaha! Wala pa gyud natuman ang nakabutang sa kontrata nga adunay movie. Ang BisChika pa sa atong Kinsa Siya Insider nga mismo ang kompaniya wala usab makahatag og raket sa iyang alaga ug si manager pa ang mangita. Another ulbo kaspa kay kung makakuha og show ang manager sa iyang alaga manawag dayon ang kompaniya kun asa nakakontrata ang iyang alaga para mangayo sa ilang commission! Kinsa Siya kining artista? Produkto sa usa ka reality show, dili siya puro pinoy!
- Latest
