Jinggoy tuloy pa rin sa pagdalaw kay Bong
Habang hinihintay ni Bong Revilla ang magiging kapalaran niya sa loob ng PNP Custodial Center, patuloy na pinalalakas ng bff niyang si Sen. Jinggoy Estrada ang kanyang loob sa madalas na pagbisita nito sa kanya.
Tiyak na matutuwa si Bong sa plano ni Jinggoy na tumakbong muli sa eleksyon 2019. Siguro ay gugustuhin din niyang tumakbo ulit kapag nabigyan ulit siya ng pagkakataon.
Kasalukuyang Vice Mayor naman ngayon ng lungsod ng San Juan ang anak ni Jinggoy na si Janella Ejercito. Vice governor din naman ng Cavite ang anak ni Bong na si Jolo Revilla at nagtutulung-tulong ang mga ibang anak niya para i-revive ang Imus Productions ng pamilya.
Anak ni Cherie iniwan ang pag-aaral sa NY para mag-pelikula
Kung may bagong henerasyon ng Eigenmann ang lumilitaw para ipagpatuloy ang pamamayani ng kanilang angkan sa larangan ng pag-aartista, ito ay ang panganay ni Cherie Gil na si Bianca Rogoff. Bagama’t aktibo pa rin sa pag-aartista niya si Andi Eigenmann, mas pinagtutuunan nito ng pansin ang pagsisimula ng isang simpleng buhay. Si Bianca ay pansamantalang iiwan ang kanyang pag-aaral ng Bachelor of Fine Arts in Drama sa New York para gawin ang pelikulang Sensitive And In Love na sa Palawan gagawin. Magkakasama sila ni Cherie sa nasabing pelikula.
Roxanne at Joross balik-tambalan
Tampok ngayon ang nagbabalik-tambalan na sina Joross Gamboa at Roxanne Guinoo sa episode mamayang gabi ng Maalaala Mo Kaya.
Isa itong kuwento ng simpleng mag-asawang nagsumikap para mapalaki ang apat nilang anak. Hanggang sa dumating ang isang araw na sinubok ang kanilang katatagan. Namatay ang kanilang isang anak dahil sa isang sakit sa kabila ng paggawa nila ng paraan.
Mula sa panulat nina Akeem Jordan del Rosario at Arah Jell Badayos, mula sa direksyon ni Marvyn Brondial. Abangan ang natatanging pagganap nina Joross at Roxanne sa MMK, mamayang gabi.
- Latest