Inigo naugtas

CEBU, Philippines – Usa na si Inigo Pascual sa naugtas nga makakita og mga giabandonar nga mga bata nga naa lang nagpasad sa kadalanan. Pinaagi sa iyang Twitter account, gipadayag niya ang iyang kasagmuyo sa mga inahan nga dili kahibalo  mobarog sa ilang responsibilidad. “Wag manganak kung hindi maaalagaan”, padayag pa ni Inigo.

Nagsawo sa entablado

Dakong kalipay ang gibati sa OPM icon nga si Ogie Alcasid human nga nagsawo sila sa  entablado sa iyang mga anak nga sila si Sarah, Leila ug Nate Alcasid atol sa  iyang concert sa Araneta Coliseum sa miaging gabii. Ang maong concert maoy kasaulogan sa   ika-30 ka tuig ni Ogie sa music industry.

Mopakilig gihapon

Gisurprisa ni Archie Alemania ang iyang longtime girlfriend nga si Gee Canlas sa taping sa  Inday Will Always Love You. Bisan og nag-propose na ang aktor ngadto kang Gee  dili gihapon niya hunongon ang pagpakilig sa iyang  hinigugma.  Nasayran nga  buwag-balik ang istado nila kaniadto ug mapasalamaton sila nga ilaha kining natul-id. Gitug-an ni Archie nga sigurado na gyud siya nga si Gee na gyud ang iyang dad-on sa altar sa kaminyuon.

Pangandaman gyud

Gipaniguro ni  Daniel Padilla  nga aduna na gyud siya’y ikabuga kung moabot ang panahon nga magminyo na silang duha ni Kathryn Bernardo.  Bisan pa man nga nahisgutan na nila ang pagpakasal, ilahang gitataw nga dili pa nila kini matino kung kanus-a sanglit duna pa sila’y laing  buhatunon sa tagsa-tagsa nila nga kinabuhi.

Magkita gihapon

Mohatag gyud og todo  nga suporta si   Enrique Gil sa  upcoming projects  sa iyang ka-loveteam nga si Liza Soberano   bisan pa man nga duna’y uban niini nga dili sila magpares.  Bisan pa man kung ma-busy na sila puhon sa tagsa-tagsa nila nga proyekto, gipaneguro gyud nila nga mogahin og oras aron magkita.

Pagklaro sa koneksyon

Mi-esplikar ang komedyante nga si Pokwang kabahin sa nag-viral nga video kung diin nibisita  sa ilang balay  ang  Eat Bulaga hosts nga sila si Maine Mendoza ug Paolo Ballesteros. “Si Paolo kasi kapitbahay ko. Walking distance lang yung bahay niya from my house. At itong si Maine naman, kasi meron kaming common friend. Si Maine, natutuwa kay Malia. ‘Gusto kong makita si Malia, chu chu chu. Di ba, ganun kasikat yung anak ko?”, suma pa ni Pokwang.

Dunay suitor

Inspired nga motrabaho karon ang Kapuso aktres nga si Kim Rodriguez tungod kay adunay nangulitawo kaniya nga nagbase  sa New Zealand. Tsika pa ni Kim nga duha ka tuig na kini nga nangulitawo kaniya apan wala pa kini niya sugta tungod kay gusto una niya unahon ang iyang career, pamilya ug negosyo.

Gitubag ni Jairus

Gitubag ni Jairus Aquino ang usa ka netizen nga miingon nga flop ang ilang pelikula nga “Petmalu”. Sa iyang komento nga gi-delete ra sab niya, siya nagkanayun nga “Ang importante napakita namin sa pelikula ‘yung talento na meron kami—na baka wala ka, at ang trabaho namin na pinaghirapan naming”.

Wala kauyon

Matud pa sa  bag-ong sikat nga komedyante nga si Nonong Ballinan nga wala makauyon ang iyang amahan nga usa ka komedyante ang iyang naangkon karon nga propesyon. “Yung tatay ko ayaw niya ng comedy. Parang tipikal na magulang din na gusto niya sumunod ako sa yapak niya. Tinanong niya ako, “’Kumikita ka ba diyan?’ Na masakit kasi ito na ang passion ko e. Dati wala akong pangarap”, suma pa ni Nonong.