“Sapaw issue” gitubag ni Morissette

CEBU, Philippines – Wala na makaantos ug nihatag na gyud sa iyang habig ang Sugbuanon nga singer nga si Morissette Amon kalabot sa pasangil sa iyang bashers nga kusog kaayo siya manapaw sa higayon nga duna siya’y kadungan sa pag-perform sa entablado.

Matud pa sa singer nga iyaha ra gyud nga gibuhat ang tanan niyang mahimo sa higayon nga mokanta siya.

“This is just me lang po: I would rather give my best than not give my best, tapos magsisisi po ako sa performance ko. Kasi, magre-reflect pa rin sa akin. Ako, after ng performance ko, binabalikan ko po ‘yung mga ginagawa ko. May mga times din po na nasasabi kong I could’ve done more. So, parang doon pumapasok ‘yung sisi. Kaya sabi ko ibigay mo na ang lahat. At least, I knew I gave my all. I think that’s how we are as performers. Pero hindi naman po namin sinasadya,” saysay pa niya sa usa ka presscon didto sa kaulohan.