Maine mibilib kang Anne

CEBU, Philippines — Nipadayag sa iyang pagdayeg ang Eat Bulaga host Maine Mendoza ngadto sa It’s Showtime host Anne Curtis tungod sa hugyaw nga performance sa naulahi atol sa 21st anniversary concert niini nga ‘Anne Kulit: Promise Last Na ‘To’ niadtong Sabado didto sa Araneta Coliseum. Nitambong si Maine sa maong concert ug gihulagway si Anne nga “great” performer ug inspirasyon sa kadaghanan.  Bisan pa man nga magka-kompetensya ang ilang mga show, wala kini makapugong kang Maine sa pagpadayag sa iyang pagdayeg kang Anne.

Jaycee nagminyo na

Nanumpa na isip magtiayon  ang aktres nga si Jaycee Parker ug Angeles City Councilor Jericho Aguas kagahapong adlawa diin gitambungan kini sa mga dagkong personalidad sa  nasud. Lakip sa ilang ninong mao silang Ronald “Bato” dela Rosa, Senator Lito Lapid, ug former Ilocos Sur Governor Chavit Singson. Nasigpatan sab sa maong seremonya ang pipila ka sikat nga Pinoy celebrities.

Miriam mabdos

Malipayon ug mapasigarbubong gipahibalo sa former beauty queen Miriam Quiambao pinaagi sa Instagram nga siyam na siya ka semana nga mabdos. Nag-edad na og 43 anyos si Miriam  busa giisip niini nga usa ka dakong blessing ang iyang pagsabak.Gikasal si Miriam ngadto ni Ardy Roberto niadtong 2014.

Naulaw og taman

Gipaambit sa Fil-Am actor Nico Santos ang embarrassing moment niya ngadto sa Crazy Rich Asians co-star Michelle Yeoh atol sa ilang shooting didto sa Malaysia. Gihatagan matod pa siya sa production og Cantonese language nga mga linya nga maoy iyang isulti ug nasayop siya pag-deliver niini. “ I said the line then Michelle Yeoh turns and goes, ‘What are you saying?’. I turn beet red with embarrassment and I go,”hinumdom pa niini.

Gikagobtan ang trailer

Nag-trending sa social media ang gipagawas sa Star Cinema nga official trailer sa pelikulang “The Hows of Us” nga gibidahan nilang Kathryn Bernardo ug Daniel Padilla. Gidala ni Kathryn ang karakter ni George, usa ka aspiring doctor samtang gidala ni Daniel ang role isip Primo, usa ka musician. Ang maong pelikula ubos sa direksyon ni Cathy Garcia-Molina ug gikatakdang ipasalida karong August 29.

Daniel nakabangga

Nakabangga og usa ka motorcycle rider ang gimanehong sakyanan sa Kapamilya hunk actor nga si Daniel Matsunaga samtang padulong na sila og pauli sa iyang igsoon gikan sa usa ka restaurant didto sa kaulohan. Niliko matod pa ang aktor sa usa ka eskina ug kalit nga nisulpot ang motorsiklo hinungdan nga naigo ang likod nga bahin sa motorsiklo. Luwas ra ang kahimtang nilang Daniel ug drayber sa motorsiklo.

Tips ni Ina

Mihatag og tambag ang aktres nga si Ina Raymundo ngadto sa mga babaye nga nag edad og 30 anyos pataas, kung unsay dapat nilang buhaton aron momabdos  pa bisan nag-edad na kini og  kapin sa 40 anyos. “You have to freeze your eggs para you can have babies in the future kahit 40 ka na,”tambag pa niya.

Welcome Baby Leon!

Gipakatawo na sa Kapuso host Iya Villania ang ikaduha nilang anak ni Drew Arellano ug ginganlan nila kini og  Leon. Nanganak si Iya kagahapon sa kadlawon, sa usa ka pribadong hospital. Unang anak nilang Iya ug Drew mao si Primo Antonio, kinsa gipanganak niadtong August 30, 2016.

Malipayon sa GMA

Init ang pagdawat sa GMA-7 network ngadto sa kanhi ABS-CBN star Manolo Pedrosa kinsa bag-o lang nipirma sa Kapuso network. “Very warm po ang welcome sa akin ng GMA, and I’m very excited to work again now under Kapuso,” sigon pa ni Manolo Pedrosa kinsa bida sa upcoming serye sa GMA-7 nga Pamilya Roces.

Future wife

Daghan ang nakurat ug gikilig sa Instagram post sa American Singer Nick Jonas diin nag-post kini og hulagway nila sa India star Chopra ug miingon nga future wife niya ang nahisgotang artista. “Future Mrs. Jonas. My heart. My love,”makakilig nga caption sa American singer.

No pressure

Giasoy sa singer nga si Pops Fernandez nga hangtod karon wala gihapon siya’y uyab ug dili niya prayoridad karon  ang pagsulod og relasyon. “They better look for me, I don’t look for them! I guess, it’ll just come my way. If it’s the right one, I’ll just figure it out,”sigon pa sa 51 anyos nga singer.