Bagani gagawan ng sequel!

SEEN: Ngayong hapon ang Christian wedding ng Viva Hotbabes member na si Jaycee Parker at ni Jericho Aguas, ang ex-husband ni Isabel Granada. Ang The Orchid Gardens Resort Complex sa San Fernando, Pampanga ang venue ng pag-iisang dibdib nina Jaycee at Jericho.

SCENE: Pack up ang first shooting day ni Bela Padilla para sa Fantastica noong Biyernes kaya nagtagal siya sa victory party ng The Day After Valentine’s, ang top-grosser sa 2nd Pista ng Pelikulang Pilipino. Ang Fantastica ang official entry ni Vice Ganda sa 2018 Metro Manila Film Festival sa December.

SEEN: May hint tungkol sa possible sequel ang Bagani dahil sa twist ng finale episode noong Biyernes ng primetime teleserye nina Enrique Gil at Liza Soberano.

SCENE: Hindi sinabi ni Xian Lim ang pangalan ng co-writer niya sa Tabon dahil baka ayaw raw ipabanggit ng kanyang kaibigan. Si Xian at ang kaibigan nito ang sumulat ng script ng Tabon, isa sa mga official entry sa Cinemalaya Philippine Independent Film Festival sa 2019.

SEEN: Kung makakatanggap siya ng imbitasyon, walang dahilan para hindi dumalo si Xian Lim sa annual Star Magic Ball sa September 2018.

 SCENE: Ang Octoarts Films ang Philippine distributor ng The Witch: Part 1. The Subversion, ang South Korean revenge thriller film. Blockbuster movie sa South Korea ang The Witch na pinag-uusapan dahil baguhan at walang acting experience ang bida, ang newcomer Korean actress na si Kim Da-mi.

SEEN: Nakadalawang-araw na taping sa Ang Probinsyano ang former child actor na si CJ Ramos. Pinayagan si Ramos na makapagpiyansa para sa kaso ng possession of illegal drugs kaya nakapag-guest siya sa primetime action teleserye ni Coco Martin.