“The Day After Valentine’s”

CEBU, Philippines — Usa ka tuig  human nagmalampuson ang blockbuster team-up  nila ni Bela Padilla ug  JC Santos  nga “100 Tula Para Kay Stella” , hukman na usab sila sugod  karong adlawa sa lain na pud nila nga pelikula nga “The Day After Valentine’s” nga kabahin sa  2018 Pista ng Pelikulang Pilipino (PPP).

Si Jason Paul Laxamana  ang direktor niini  ug nipadayag kini nga linahi na pud nga matang sa love story ang idalit sa maong pelikula..

Sa “The Day After Valentine’s,”  midala si Bella isip  simple nga babaye  kinsa nakaila sa karakter ni  JC nga si Kai nga naglisod og  move on sa kanhi niya relasyon.

Lig-on usab ang  linya sa  soundtrack sa maong pelikula nga naglangkob sa  “Akala” ni Marion Aunor; “Taguan” ni John Roa; “Pag-ibig Lang” sa  The Juans; “Feel” nila Jameson Tenorio ug Ian Ancajas; ug  “For the Rest of My Life” ni Bela .

Inighuman og tan-aw sa “The Day After Valentine’s”, napanglantawan  nga  magkalain-lain ang panglantaw sa tawo kabahin sa guma.

Ang “The Day After Valentine’s” gipaluyohan sa   Viva Films, ug gi-shoot kini  sa hugyaw nga mga lugar  sa  Hawaii.

Julia andam na sa mature scenes

Gipadayag ni Julia Barretto nga bukas  na siya og mature scenes  kauban ang iyang ka-loveteam nga si  Joshua Garcia alang sa umaabot nila nga serye sa ABS-CBN nga “Ngayon at Kailanman.”

“I’m very open. Honestly because we are above 20. We are 21, turning 22,”  saysay pa niya ngadto sa ABS-CBN News.

Matud pa niya ubay-ubay na ang naagian nila nga mga proyekto ni Joshua  busa panahon na usab nga mo-explore na pud sa uban butang nga wala pa nila nahimo.

 Una silang nagkauban ni Joshua sa pelikulang  “Vince and Kath and James” niadtong 2016. Gisundan dayon kini sa  “Love You To The Stars and Back” ug sa reunion movie nila ni  Sharon Cuneta ug Robin Padilla nga  “Unexpectedly Yours,” sa miaging tuig.  Samtang katapusan sila nga nagpares karong tuiga sa pelikulang “I Love You, Hater”.